İslam Azərbaycanda (İslam.Az)

Ayətullah Mərəşi Nəcəfi: “Mən özümdən sonra varislərim üçün dünya malından heç nə qoymamışam. Əlimə çatan hər şeyi camaata, xüsusilə, elm adamlarına xərcləmişəm. Hətta şəxsən mənim üçün camaatın nəzir deyib verdiyi pulları da elm əhlinə paylamışam. Tezliklə dünyadan gedəcəyəm, amma məndən sonra qalanlar üçün dünya malından heç nə qoymamışam. Kərim olan Allahı onlara vəkil etmişəm. Ey bəsirət əhli, bundan ibrət alın!”

Ayətullah şeyx Əli Damiğanidən belə nəql olunur:

Ayətullah Behcət: “...Günah anlayışı yalnız məşhur böyük günahlara aid deyil. Kiçik günahlarda israr etmək də böyük günahdır. Məsələn, tabeçilikdə olan adamı qorxutmaq üçün tərs-tərs baxmaq haram olan əziyyət növüdür. (Allaha) asi olan adamı təşviq etmək üçün gülümsəmək günaha yardımçı olmaq deməkdir...”

Qəzzalinin “Nəsihətnamə” kitabından:

“Şeyxlərdən nəql olunub ki, Şibli demişdir: “Mən dörd yüz ustada xidmət (tələbəlik) etdim və həmin ustadlara dörd min hədis oxuyub imtahan verdim. Həmin dörd min hədisdən birini seçib ona əməl edirəm, qalanlarını isə kənara qoymuşam. Çünki həmin hədisin mənası barədə düşündüm, öz xilas və nicatımı, eləcə də, bütün dünya əhlinin elmini həmin hədisdə tapdım. Hədis budur: Mustafa (s) öz səhabələrindən birinə buyurmuşdur: “Dünyadan ötrü onun (dünyanın) içində məqam tutacağın qədər çalış. Axırətdən ötrü onun içində qalacağın qədər çalış. Allahdan ötrü Ona duyduğun ehtiyac miqdarında çalış. Cəhənnəmdən (xilas olmaqdan) ötrü ona dözəcəyin miqdarda çalış”.

Allahın Peyğəmbəri (s): "Zəmanət verilmiş ruzini qazanmaqla məşğul olmağın səni Allahın vacib etdiyi əməlləri yerinə yetirməkdən saxlamasın. Çünki sənin qismətində nə varsa sənə çatacaqdır və qismətində olmayan şeyə sənin əlin yetməyəcək".

Ayətullah Şahabadi: “Bil ki, sən varsan və ölmürsən. Ölən bədəndir, sən varsan. Diri ikən öz hesabını et, gör ki, axirət həyatı üçün nə hazırlamısan. Qaları olmadığını özün də bildiyin bu iki günlük dünyadan ötrü nə qədər çalışıb-çabalayırsan. Bəs, fitrətin hökmü ilə varlıq və əbədi həyat yeri (kimi qəbul etdiyin axirət) üçün necə çalışmısan və nə hazırlamısan? O yerdə həyat fərdi şəkildədir, öz ehtiyaclarını özün fərdi şəkildə ödəməlisən. Orada girov və yardım istəmək qapısı bağlı olacaq. Sən bu dünyaya gəlmisən ki, ora üçün hazırlıq görəsən...”

Əllamə Təbatəbai: “Hər səhər yuxudan oyananda qarşınıza çıxacaq hər bir işdə yalnız izzətli Allahın razılığını nəzərdə tutaca­ğınızı ciddi şəkildə qərara alın. O zaman yerinə yetirə­cəyiniz hər işin başlanğıcında axirət xeyrini nəzərdə tut­muş olacaqsınız. Belə ki, əgər axirət faydası olmasa, hər nə iş olsa belə, o işi görməyəcəksiniz”.

İmam Hüseyn (ə) Aşura günündəki kəlamlarının birində buyurmuşdur: "Bilin! Bu haramzadə oğlu haramzadə məni iki yol arasında qoyub: qılınc və zillət! Zillətə qatlaşmaq bizdən çox-çox uzaqdır. Allah, Onun Peyğəmbəri, möminlər, (bizim tərbiyə olunduğumuz) pak ətəklər, qeyrətli qəlblər, alicənab ruhlar qəbul etməzlər ki, biz alçaq bir başçıya təslim olmağı şərəfli ölümdən üstün tutaq!"

Cəlaləddin Rumi təvazö haqqında deyib:

İbn Covzi: “Adamların bir qismi dünyada zahidlik etməyi fəzilət sayır, bir qismi də daim ibadətlə məşğul olmağı fəzilət hesab edir. Əslində isə kamil şəkildə fəzilət yalnız elmlə əməli birləşdirməkdədir. Bu iki xüsusiyyət (elm və əməl) insanı hər cür nöqsandan uzaq və uca olan Yaradanı haqqı ilə tanımaq mərtəbəsinə yüksəldər, insanı Allahı sevməyə, Ondan qorxmağa və Ona şövq duymağa təhrik edər. Son məqsəd də elə budur. İnsana əzmkarlığı qədərində vəzifə yüklənər. Hər sevən sevilməz, hər axtaran tapmaz. Amma bəndənin vəzifəsi çalışmaq, səy göstərməkdir”.