İslam Azərbaycanda (İslam.Az)

"Biz mədəniyyətə, böyük sivilizasiyaya, musiqiyə, şairlərinə və mütəfəkkirlərinə görə İslama borcluyuq"

Yaxın Şərqə səfər edən ABŞ prezidenti Barak Obama Misir paytaxtı Qahirəyə gəlib. Burada Obamanın Qahirə Universtitetində çoxdan gözlənilən çıxışı baş tutub.

Yunanıstan polisinin suriyalı bir miqrantı döyərək, maşınındakı Quranı cırması nəticəsində baş verən hadisələrdən sonra Yunanıstan hökuməti yeni üsula əl atıb. CNN-nin məlumatına görə, hökumət 14 nəfərin yaralandığı, 45 nəfərin həbs edildiyi iğtişaşların bir daha təkrarlanmaması üçün yunan polisinin İslam dini barədə maariflənməsinə qərar verib.

Dünyanın ən nüfuzlu İslam alimlərindən biri bəyan edib ki, müsəlmanlar nüvə silahından istifadə etməməli, onu ancaq ehtiyat tədbir kimi saxlamalıdırlar. "BBC"-nin məlumatına görə, Misirin ali müftisi Əli Qomaa kütləvi qırğın silahından istifadə edilməsinin İslam qanunlarına zidd olduğunu vurğulayıb.

İslam Konfransı Təşkilatının (İKT) Baş katibi Ekmələddin İhsanoğlu İranın Zahidan şəhərində məsciddə baş vermiş partlayışı qətiyyətlə pisləyib. Bu haqda İKT-dən Trend News-a daxil olan məlumatda bildirilib.

İran hökuməti Zahedan şəhərində məscidin partladılmasında ittiham olunan 3 nəfəri edam edib. Lent.az-ın "Reuters" agentliyinə istinadən verdiyi məlumata görə, edam mayın 30-də səhər tezdən həyata keçirilib.

Rəsmi Tehran Zahedan şəhərindəki məsciddə törədilən partlayışda ABŞ xüsusi xidmət orqanlarını ittiham edib. "France Press" agentliyinin məlumatına görə, İran tərəfi terror aktını amerikalıların göstərişi ilə kamikadzenin həyata keçirdiyini bildirib.

İranın cənub-şərqində məscid partladılıb. "Associated Press" agentliyinin məlumatına görə, partlayış nəticəsində 19 nəfər ölüb, 125 nəfər isə yaralanıb.

Nurçu təriqətinin lideri kimi tanınan, hazırda ABŞ-da yaşayan Fətullah Gülən ağır xəstədir. Türkiyə mətbuatının məlumatına görə, bu barədə Güləni sonuncu dəfə ziyarət edən "Zaman" qəzetinin yazarı Hüseyin Gülərcə yazdığı məqaləsində bildirib.

ABŞ-da iri müsəlman xeyriyyə təşkilatı "Holy Land Foundation"-un yaradıcısı, 50 yaşlı Şükrü Əbu Bəkr 65 il müddətinə azadlıqdan məhrum edilib. O, Fələstinin "HƏMAS" hərəkatına yarıdm etməkdə günahkar bilinib.

Sankt-Peterburqda ikinci möhtəşəm məscidin açılışı yay fəslinin ortalarına planlaşdırılır. Məscidin açılış tədbirinin dəqiq hansı tarixdə baş tutacağı isə hələlik məlum deyil, - İslam.ru xəbər verir.