Dini Qurumlarla İş üzrə Dövlət Komitəsi daha 6 dini təşkilatı qeydiyyata alıb. Bunların hamısı islam yönümlü təşkilatlardır. Bu barədə APA-ya komitə sədrinin müavini Elçin Əsgərov məlumat verib. Onun sözlərinə görə, artıq qeydiyyatda olan dini təşkilatların sayı 341-ə çatıb. Bunlardan 29-u qeyri-islam yönümlü təşkilatdır. E.Əsgərov bildirib ki, dini təşkilatların qanunsuz fəaliyyətinin qarşısını almaq üçün nəzarət tədbirləri gücləndirilib: "Dini qurumların qanundan kənar fəaliyyəti aşkarlanarsa, onlara bir neçə dəfə xəbərdarlıq edirik. Xəbərdarlığa əməl etməyən təşkilatlar isə məhkəməyə verilir". Qeyd edək ki, komitə yarandığı dövrdən bəri yalnız "Məhəbbət Kilsəsi" dini təşkilatın qeydiyyatını ləğv edib.

Ətraflı| Şərhlər: 0 | Дата: 19 Fevral, 2006

Dünən Qafqaz Müsəlmanları İdarəsinin (QMİ) sədri Hacı Allahşükür Paşazadə Vatikanın Gürcüstan və Azərbaycandakı nunsisi Klaudio Qucerottini qəbul edib (APA). Qərargahı Tbilisidə yerləşən nunsi Azərbaycana bu səfərinin Papa XVI Benediktin tapşırığı əsasında həyata keçirildiyini deyib. Onun sözlərinə görə, Papa XVI Benedikt dinlərarası münasibətlərin qorunub saxlanmasına çalışdığı üçün Qafqaz şeyxinə minnətdarlığını çatdırmağı xahiş edib. K.Qucerotti Avropa qəzetlərində Məhəmməd peyğəmbərin karikaturalarının nəşr olunmasından təəssüfləndiklərini söyləyib: "Bu məsələyə Vatikanda sərt reaksiyamız oldu. Bu olayları pisləyən bəyanat verdik". Nunsi Avropa qəzetlərində baş verənlərlə bağlı A.Paşazadənin mövqeyinin yüksək qiymətləndirildiyini deyib.

Ətraflı| Şərhlər: 0 | Дата: 18 Fevral, 2006

"Azərbaycan" nəşriyyatının kollektivi İsa peyğəmbər (a.s) barəsində təhqiredici yazı dərc etmiş "yeni xəbər" qəzetinin bu hərəkətinə etiraz olaraq qəzetin redaksiyası ilə bütün əlaqələrini kəsib. Bu barədə "Trend"ə Mətbuat Şurasından məlumat verilib. "Azərbaycan" nəşriyyatından Mətbuat Şurasına bildirilib ki, "Yeni xəbər" qəzetinin 2006-cı il 11 fevral tarixli nömrəsində dərc olunmuş və dini heysiyyatlara toxunan yazı nəşriyyatın kollektivini hiddətləndirib. Qəzet, həmçinin, nəşriyyatla bağlanmış müqavilənin şərtlərini də pozub. Bu il "Azərbaycan" nəşriyyatı ilə çap müqaviləsi bağlamasına baxmayaraq, "Yeni xəbər" qəzeti İsa peyğəmbər (a.s) haqda yazı dərc olunmuş qəzeti başqa mətbəədə çap etdirib. Lakin həmin nömrənin son səhifəsində qəzetin guya "Azərbaycan" nəşriyyatında çap olunduğu göstərilib. "Azərbaycan" nəşriyyatının kollektivi "Yeni xəbər" qəzetinin bu hərəkətini etirazla qarşılayıb və müqavilənin şərtlərini pozduğuna görə, qəzetin redaksiyası ilə əlaqələrini kəsib.

Ətraflı| Şərhlər: 0 | Дата: 18 Fevral, 2006

"Təyyarə ilə həyata keçirilən Həcc ziyarətində böyük çətinliklərlə qarşılaşırıq. Bakıdan Məkkəyə birbaşa təyyarə reysi olmadığından bu yol bizə real qiymətlərdən təxminən 30-40 faiz baha başa gəlir. Biz isə məcbur olub depozit götürürük. Hazırda təyyarə reysləri üçün banka 612 min dollar borcumuz var. Həmin pulları banka qaytarmaq lazımdır". Bu sözləri Həcc ziyarətinin yekunları ilə bağlı APA-ya verdiyi açıqlamada Qafqaz Müsəlmanları İdarəsinin (QMİ) sədri Hacı Allahşükür Paşazadə deyib. Şeyxin sözlərinə görə, ötən dəfə 1 nəfərin təyyarə bileti 2600-2700 dollara başa gəlib. Yaranan çətinliyi dövlət başçısının göstərdiyi kömək sayəsində aradan qaldırmaq mümkün olub. A.Paşazadə hazırda problemdən çıxış yolu axtardıqlarını deyib: "Növbəti dəfə məcbur olub İran, Suriya yaxud da Səudiyyə Ərəbistanı ilə müqavilə bağlayacağıq ki, onların vasitəsi ilə uçuşları həyata keçirə bilək. Bu ölkələrdən birinin xidmətlərindən istifadə edə bilsək, depozit götürməyə ehtiyac olmayacaq, bundan başqa bəzi əlavə xərclər də ortaya çıxmayacaq".

Ətraflı| Şərhlər: 0 | Дата: 16 Fevral, 2006

Avropa mətbuatında həzrəti Məhəmməd peyğəmbərin karikaturalarının yayılması bütün dünyada böyük əks-səda doğurub. Bu hadisəyə münasibət təkcə etiraz aksiyalarının keçirilməsi, bəzi dövlətlərin bayraqlarının və səfirliklərinin yandırılması ilə məhdudlaşmayıb, həm də müsəlman və Qərb ölkələrinin mətbuatda müxtəlif səpkili məqalələr yazılıb, müəyyən təhlillər aparılıb. Təəssüf ki, bəzən həmin yazılarda ifrata varılaraq böyük səhvlərə yol verilir. Hətta dinlərarası münasibətləri gərginləşdirəcək məqamlar ortaya çıxır. Dünən Dini Qurumlarla İş üzrə Dövlət Komitəsi (DQİDK) bu məsələylə bağlı bəyanat yayıb. Sənəddə bildirilir ki, "Yeni xəbər" qəzetinin 11 fevral 2006-cı il tarixli sayında müəllifi Natiq Muxtarlı olan "Vəhşi Qərbin Şərqə hücumu" adlı məqalədə iki səmavi dində müqəddəs sayılan Həzrəti Məryəm və Həzrəti İsa haqqında təhqiramiz ifadələr işlədilib, Həzrəti Məryəm "fahişə", İsa peyğəmbər isə "bic", "impotent" adlandırılıb: "Yazıda Qərb mətbuatında Məhəmməd peyğəmbərin karikaturalarının çap olunmasına münasibət bildirən müəllif təkcə xristianlıqda deyil, həm də İslam dinində müqəddəs sayılan bu şəxsiyyətləri heç bir əsas olmadan təhqir edib, dinlərarası nifaq yarada biləcək fikirlər səsləndirib, xüsusilə xristianlıq dininə qarşı kəskin ittihamlar irəli sürüb. Bu fikirləri həm Azərbaycan qanunlarına, həm beynəlxalq konvensiyalara, həm də bizim əxlaq normalarımıza kobud təcavüz kimi qiymətləndirmək olar". Bəyanatda daha sonra bildirilir ki, belə fikir sahibləri qanun qarşısında məsuliyyət daşıyırlar.

Ətraflı| Şərhlər: 0 | Дата: 15 Fevral, 2006

"Qafqaz Müsəlmanları İdarəsi ilə Dini Qurumlarla İş üzrə Dövlət Komitəsi arasında heç bir problem yoxdur". Bu sözləri APA-ya Dini Qurumlarla İş üzrə Dövlət Komitəsinin sədri Rafiq Əliyev deyib. O, İslam təmayüllü dini icmaların qeydiyyata alınmasında da fikir ayrılığının olmadığını bildirib: "Əvvəlcədən qəbul olunmuş qaydaya görə, İslam dini icmaları qeydiyyata alınmazdan öncə onlara QMİ tərəfindən təqdimat verməlidir. Bu məsələ qeyri-İslam icmalarına aid edilmir. Onların qeydiyyatı ilə yalnız dövlət komitəsi məşğul olur". Azərbaycanda İslam aləmində "Vəhabi" təriqəti kimi tanınan icmanın qeydiyyatdan keçmədiyini deyən komitə sədri bu məzhəbin radikal qanadının zərərsizləşdirilməsi məqsədilə hüquq-mühafizə orqanları tərəfindən bir sıra əməliyyatın keçirildiyini diqqətə çatdırıb: "Belə qruplar Azərbaycanda fəaliyyət göstərir və bu, heç kimə sirr deyil. Lakin bunun geniş miqyasda qabardılmasına ehtiyac yoxdur. "Əbu Bəkr" məscidində isə sadəcə İslami rituallar icra olunur. "Əbu Bəkr" məscidinin vəhabi icması adlandırılması düzgün deyil".

Ətraflı| Şərhlər: 0 | Дата: 15 Fevral, 2006

"Son zamanlar sivilizasiyalar arasında yaranan qarşıdurmanı müsbət qarşılamaq olmaz. Hər bir sivilizasiya digəri haqqında daha çox məlumat əldə etməlidir. Hesab edirəm ki, tərəflərin biri-biriləri haqqında daha çox məlumatlı olması yaranan vəziyyəti aradan qaldıra bilər". Bu açıqlamanı İsrailin Azərbaycandakı fövqəladə və səlahiyyətli səfiri Artur Link Danimarka mətbuatında Məhəmməd peyğəmbərin karikaturalarının dərc edilməsi ilə bağlı sivilizasiyalar arasında yaranan qarşıdurmaya münasibət bildirərkən deyib. Onun sözlərinə görə, hər bir dövlət digərinin fikrinə və mədəniyyətinə hörmətlə yanaşmalıdır: "Məhz bu yolla sivilizasiyalar arasında yaranan qarşıdurmanın qarşısını almaq mümkündür".

Ətraflı| Şərhlər: 0 | Дата: 14 Fevral, 2006

Bakı Şəhər İcra Hakimiyyəti (BŞİH) "Cümə məscidi" Dinin İcmasının "Qələbə" kinoteatrının qarşısında mitinq keçirməsinə icazə verməyib. İcmanın rəhbəri Hacı İlqar İbrahimoğlunun APA-ya verdiyi məlumata görə, dünən meriya onlara məktub göndərərək Məhəmməd peyğəmbərin (s) karikaturalarının Avropa qəzetlərində çap olunmasına etiraz etmələrini yüksək qiymətləndirib. Paytaxt meriyası artıq bunla bağlı Azərbaycan mətbuatında geniş müzakirələrin aparıldığını və ictimai rəyin formalaşdırıldığını bildirib. Bunlara baxmayaraq, BŞİH mitinqin keçirilməsinə icazə verməyib. İ.İbrahimoğlu deyib ki, bu gün toplantı keçirərək, meriyanın cavabını müzakirə edəcək və atacaqları növbəti addımı müəyyənləşdirəcəklər.

Ətraflı| Şərhlər: 0 | Дата: 10 Fevral, 2006

Avropanın bir neçə ölkəsinin mətbuat orqanlarında Məhəmməd peyğəmbərin (s) karikaturalarının çap olunmasına Azərbaycan Xarici İşlər Nazirliyi münasibətini açıqlayıb. XİN Mətbuat və İnformasiya Siyasəti İdarəsinin rəisi Tahir Tağızadə APA-ya bildirib ki, Azərbaycan dinlərarası dialoqu daim dəstəkləyib və təşviq edib, bu dialoqu dinlər arasında qarşılıqlı hörmət və anlaşmanın güclənməsi hesab edib. Müxtəlif dinlərin nümayəndələrinin əsrlərlə birgə yaşadığı Azərbaycanın dünyəvi dövlət, amma əhalinin böyük əksəriyyətinin müsəlman olduğunu vurğulayan XİN rəsmisi bəzi Avropa kütləvi informasiya vasitələrində islama münasibətdə meydana çıxmış mənfi təzahürlərin insanların heysiyyatına toxunduğunu, dini etiqada hörmətsizlik kimi qiymətləndirildiyini və belə hərəkətlərdən təəssüfləndiyini bildirib.

Ətraflı| Şərhlər: 0 | Дата: 10 Fevral, 2006

Dünən ölkə dindarları Avropa mətbuatında həzrəti Məhəmməd peyğəmbərin (s)karikaturalarının yayılmasına etiraz olaraq Füzuli meydanının yaxınlığında aksiya keçirməyə cəhd göstəriblər. Etiraz aksiyasında təxminən 200 nəfər iştirak edib. Həmin əraziyə gətirilən polislər aksiyanın qarşısını alıblar. Kiçik insidentlərə baxmayaraq, aksiya iştirakçıları ilə polis əməkdaşları arasında razılıq əldə olunub. Razılığa əsasən aksiyanın təşkilatçıları qərara gəliblər ki, Bakı Şəhər İcra Hakimiyyətindən rəsmi icazə aldıqdan sonra mitinq keçirsinlər. Bundan sonra dindarlar aksiyanın bəyanatını oxuyaraq dağılıblar. Bəyantda Xarici İşlər Nazirliyindən tələb olunur ki, Məhəmməd peyğəmbərin (s) karikaturalarının çap olunduğu ölkələrə Azərbaycan rəsmi şəkildə öz etirazını bildirsin.

Ətraflı| Şərhlər: 0 | Дата: 10 Fevral, 2006
 
773 səhifədən 772 << < 768 769 770 771 772 773 > >>
SONXƏBƏRLƏR
16 Avqust, 2019

Ermənistan ordusunun növbəti təxribatı, əsgərimiz yaralanıb

16 Avqust, 2019

Bu gecə imam Әliyyən-Nəqinin (ə) mövludunun ildönümüdür

16 Avqust, 2019
İndoneziyanın paytaxtı köçürüləcək
16 Avqust, 2019
Bu il Azərbaycanda boşanmaların sayı artıb
16 Avqust, 2019

Səfərə çıxan adam getdiyi yerdə neçə gün qalacağını qabaqcadan bilmirsə, namazları necə qılmalıdır? İslam suallarda

16 Avqust, 2019

Qəzaya uğramış təyyarəmizin qalıqları tapıldı

16 Avqust, 2019
Tramp Qrenlandiyanı almaq arzusundadır
15 Avqust, 2019
Türkiyədə hərbi hissəyə hücum olundu
15 Avqust, 2019

İsrail ABŞ Nümayəndələr Palatasının müsəlman üzvlərinin Qüdsə girişini qadağan edib

15 Avqust, 2019

Pakistan və Hindistan orduları arasında yenidən atışma baş verib, ölənlər var

15 Avqust, 2019
Hacıların ilk qrupu avqustun 21-i Bakıya yola düşəcək
15 Avqust, 2019
Sabiq prezidentə qarşı yeni ittihamlar irəli sürüldü
15 Avqust, 2019

Türkiyənin lazer silahı Çinin döyüş təyyarəsini məhv etdi

15 Avqust, 2019

Subay oğlanın evli olub boşanmış qadınla ailə qurmasına dinimiz necə baxır? İslam suallarda

15 Avqust, 2019

Suriyada yaraqlılar “Su-22” qırıcısını vurdular, pilot əsir götürüldü

15 Avqust, 2019

Həcc ziyarətində səkkiz uşaq dünyaya gəldi

30 İyul, 2019
İranın sabiq vitse-prezidenti edama məhkum edilib
30 İyul, 2019

ABŞ-da vəhşilik: müsəlman olduğu üçün döyüb öldürdülər Video

30 İyul, 2019

Əfqanıstanda partlayış nəticəsində 3 uşaq həlak olub

30 İyul, 2019

Həcc mərasimi üçün Səudiyyəyə daxil olan hacıların sayı 1 milyonu keçib

30 İyul, 2019

Pakistanda təyyarə binaların üstünə düşdü: ölənlər var

30 İyul, 2019

"İmam Mehdi (ə) elə hökmləri təbliğ edəcək ki, onun yeni din gətirdiyi güman olunacaq” fikrinin izahı nədir? Islam suallarda

30 İyul, 2019

Əfqanıstanda 2 ABŞ əsgəri öldürülüb

30 İyul, 2019

Türkiyə gənc uyğur ananı və iki övladını Çinə təhvil verib

29 İyul, 2019
Sudanda yürüş zamanı 5 dinc aksiyaçı öldürülüb
29 İyul, 2019

Türkmənistan prezidentinin ölüm xəbərinə görə həbslər başladı

29 İyul, 2019

Rusiya BQ: Dörd ay ərzində 110 Suriya əsgəri ölüb

29 İyul, 2019

Əfqanıstan vitse-prezidentliyinə namizədin ofisi hücuma məruz qalıb, çox sayda ölü

XƏBƏRARXİVİ
«Avq.2019
Be.Ça.Çə.Ca.Cü.Şə.Ba.
   1234
567891011
12131415161718
19202122232425
262728293031 
© 2019 Saytın materiallarından istifadə edərkən xahiş edirik www.ISLAM.az saytına istinad edəsiniz.
Copyright 2002-2016, Dini Araşdırmalar Mərkəzi, Bütün hüquqlar qorunur www.islam.az
Arzu və istəkləriniz üçün admin@islam.az
  SpyLOG Saytı düzəldib: 313wb.com