İslam Azərbaycanda (İslam.Az)

Azərbaycan İnvestisiya Şirkəti (AİŞ) və İslam İnkişaf Korporasiyası (ICD) bu ilin oktyabr ayında birgə investisiya şirkəti yaratmaq niyyətindədir. Şəriət qaydaları ilə işləyəcək bu qurum müxtəlif investisiya layihələrini maliyyələşdirəcək. AİŞ-dən "APA-ECONOMICS"ə verilən məlumata görə, artıq müştərək investisiya şirkətinin yaradılması ilə bağlı aparılan hazırlıq işləri son mərhələdədir.

Azərbaycan Milli Təhlükəsizlik Nazirliyinin Şəki şöbəsinin sentyabrın 20-də keçirdiyi xüsusi əməliyyat zamanı saxlanılan 4 rayon sakini sərbəst buraxılıb. Bu barədə APA-nın Şəki-Zaqatala bürosuna Şəki Rayon Polis Şöbəsindən (RPŞ) məlumat verilib. RPŞ-dən bildirilib ki, Şəkidə vəhhabiliyin təbliğində günahlandırılan rayon sakinləri Taleh Məmmədov, Rauf Qasımov, Cahangir Çələbiyev və Aqil Məmmədov istintaqa ifadə verdikdən sonra buraxılıblar.

Bu gün Azərbaycan Vətən Müharibəsi Veteranları Birliyinin üzvü Şahid Qurbanov və Sahib Kazımov yenidən piyada Bakıdan Məkkəyə yola düşüb. Marafonun ilk günündə Fəxri Xiyabana gələrək Ulu öndər Heydər Əliyevin məzarını ziyarət edən zəvvarlar Ulu öndərin abidəsi önünə əklil qoyaraq ona hörmət və ehtiramlarını bildiriblər. Sonra Şəhidlər Xiyabanına gələn zəvvarlar Azərbaycanın müstəqilliyi və azadlığı uğrunda canlarından keçən şəhidləri ziyarət ediblər.

Daxili İşlər və Milli Təhlükəsizlik nazirliklərinin Şəki şəhər şöbələrinin birgə keçirdikləri əməliyyat nəticəsində qeyri-qanuni dini fəaliyyətlə məşğul olan qrup yaxalanıb. 8 nəfərlik dəstə üzvləri Şəki şəhərində ictimaiyyət tərəfindən qəbul edilməyən mövhumatçılıq və təxribata cəhddə gunahlanıdırılır.

Əziz müsəlmanlar! Bərəkət, rəhmət və bağışlanma ayı olan Ramazan ayındayıq. Hamımızın bu ayın bərəkətlərinə qovuşan, bu ayda bağışlanan bəndələrdən olmağımızı Allahdan diləyirəm. Allah din qardaşlarımıza xeyirli ömür, gözəl əxlaq, iti zehin, sağlamlıq və doğru yol qismət etsin.

ABŞ Dövlət Departamenti dini etiqad azadlığı ilə bağlı illik hesabatını açıqlayıb. Sənəddə Azərbaycanda əvvəlki illərə nisbətən mühüm irəliləyişlərin olduğu qeyd olunub.
Hesabatda Azərbaycandakı dini icmaların statistikasından söhbət açılır və bildirilir ki, ölkədə dini strukturlar azad toplaşma hüququna malikdir. Hökumət dinlərarası anlaşmaya yardım edir. Azərbaycanda dini icmaların sərbəst fəaliyyəti üçün heç bir maneə yoxdur. Müxtəlif dini qruplar hökumətin müdaxiləsi olmadan görüşlər keçirə bilirlər. Ölkədə olan dini vəziyyəti müzakirə etmək üçün ölkə rəsmiləri ilə dindarlar arasında forumlar təşkil olunur.

Əziz müsəlman bacı və qardaşlar!
Bu həftədən başlayaraq, saytımızda "Cümə xütbəsi" adlı yeni rubrika açılır. Bu rubrikada Siz İslam dininin əqidə əsaslarına, dinimizin tarixinə, əxlaqi normalara, habelə, müsəlmanların bugünkü həyatında qarşıya çıxan əsas ictimai mövzulara aid maraqlı yazılar oxuyacaqsınız. Həm Ramazan ayının gəlişi münasibətilə, həm də yeni bölməyə "xeyir-dua" məqsədilə birinci həftəni Həzrəti Muhəmməd Peyğəmbərin (s) Ramazan xütbəsindən hissələrlə başlamağı qərara aldıq.

Azərbaycanın sünni və şiələri arasında bununla bağlı razılıq əldə edilib

Azərbaycanda islam dininin sünni və şiə təriqətləri arasında azanın verilmə vaxtı ilə bağlı razılıq əldə edilib. Bunu bu gün keçirdiyi mətbuat konfransında Bütün Qafqazın şeyxi Hacı Allahşükür Paşazadə bəyan edib. Onun sözlərinə görə, bundan sonra məscidlərdə azan eyni vaxtda veriləcək.

Qafqaz Müsəlmanları İdarəsinin (QMİ) Qazilər Şurası Ramazan ayının başlanması ilə bağlı fətva verib. QMİ-nin mətbuat xidmətindən APA-ya daxil olan məlumata görə, orucluq sentyabrın 13-dən başlayır, niyyət axşamı isə sentyabrın 12-dir.

Qafqaz Müsəlmanları İdarəsindən verilən məlumata görə, bu il Ramazan ayı sentyabrın 13-də başlanacaq. QMİ gündəlik orucun başlama və qurtamrma saatları ilə bağlı mübahisələri aradan qaldırmaq üçün xüsusi kitab da hazırlayıb. Kitabda Ramazan ayının tarixçəsi, gündəlik dualar, namazların dəqiq vaxtları, həmçinin gündəlik orucun başlama və qurtarma saatları göstərilib.