İslam Azərbaycanda (İslam.Az)

Bu gün "Əbu-Bəkr" məscidinin dindarları "İçərişəhər"dəki "Aşurbəy" Məscidinə yığışmaq istəyiblər. Bu barədə "Azadlıq" radiosu məlumat yayıb. Məlumata görə, Səbail rayon Polis İdarəsinin əməkdaşları isə buna imkan verməyiblər. Polisin mövqeyini öyrənmək mümkün olmayıb.

Bu gün Şəhidlər Xiyabanının yaxınlığında yerləşən məscidə cümə namazı üçün gələnlərin qarşısı polislər tərəfindən alınıb. ANS PRESS-in hadisə yerində olan əməkdaşının verdiyi məlumata görə, ərazidə 10-a yaxın polis maşını olub.

Tibet buddistlərinin lideri xəstəxanaya düşüb. Lent.az-ın "France Presse" agentliyinə istinadən verdiyi məlumata görə, Dalay-lama mədəsindəki sancılardan və yorğunluqdan şikayət edirmiş.

Roma Papası 16-cı Benedikt Hindistanın şərqində hindularla xristianlar arasında baş verən və 11 nəfərin ölümünə səbəb olmuş toqquşmanı sərt tənqid edib. Roma Papası Vatikan şəhərindəki çıxışı zamanı Şərqi Hindistanda baş verən hədisə xəbərini aldıqdan sonra təəsüfləndiyini və bu hücumun insan həyatına qarşı təcavüz olduğunu bildirib.

Qanunsuz olaraq odlu silah saxlamaqda təqsirli bilinərək həbs olunan "Xristian-Baptist" dini icmasının Zaqataladakı lideri Həmid Şabanovun barəsində seçilmiş həbs-qətimkan tədbirinin müddəti iki ay uzadılıb. Bu barədə APA-nın Şəki-Zaqatala bürosuna H. Şabanovun ailə üzvləri məlumat veriblər.

İsveçrədəki nüfuzlu Or Xadaş sinaqoqunda Azərbaycanı tanıtma gecəsi keçirilib. Bu barədə Xarici Ölkələrdə Yaşayan Azərbaycanlılarla İş üzrə Dövlət Komitəsinin (XÖYAİDK) mətbuat xidmətindən məlumat verilib.

Bakının Nərimanov rayonu ərazisində yerləşən "Əbu Bəkr" məscidində baş verən partlayışı törətməkdə şübhəli bilinən iki nəfərin foto-robotu hazırlanıb. APA-nın məlumatına görə, şahidlərin ifadələri əsasında hazırlanmış foto-robotda bir kişi və bir qadın təsvir edilib.

Bakıda partladılan Əbu Bəkr məscidi cümə günü fəaliyyətini bərpa edə bilər. "Cümə namazını Əbu Bəkr məscidində qılmaq istəyirik və əgər istintaqın gedişinə mane törətməyəcəksə, bu həftə məscidin fəaliyyətini bərpa edəcəyik", deyə bu gün Əbu Bəkr məscidinin imamı Hacı Qamət Süleymanov bildirib.

"Avqustun 17-də Bakıdakı "Əbu Bəkr" məscidində baş vermiş partlayışla əlaqədar əməliyyat-axtarış tədbirləri davam etdirilir. Şahidlərin dindirilməsi başa çatmaq üzrədir.

Azərbaycanlı zəvvarlar bu il Həcc ziyarətinə noyabrın ikinci yarısında yola düşəcəklər. Bu barədə APA-ya Qafqaz Müsəlmanları İdarəsinin mətbuat xidmətindən bildirilib.