Sevdiyiniz şeylərdən (Allah yolunda) sərf etməyincə...

Ali-İmran surəsi 92-ci ayənin təfsiri

“Sevdiyiniz şeylərdən (Allah yolunda) sərf etməyincə savaba çatmazsınız. Şübhəsiz ki, Allah (Onun yolunda) xərclədiyiniz hər şeyi biləndir”.

Hər şeydən əvvəl qeyd edək ki, bu ayə haqqında iki fikir söyləmək mümkündür. Birincisi odur ki, bu ayə ilə özündən əvvəlki və sonrakı ayələr arasında əlaqə açıq deyildir. Elə isə bu ayə müstəqil nazil olmuşdur və möminlərə xitab edir.

İkincisi odur ki, bu ayə özündən əvvəlki və sonrakı ayələrlə əlaqəlidir və Əhli-Kitab nəzərdə tutulmuşdur.

İstər nəzərdə tutulan Əhli-Kitab olsun, istərsə də möminlər olsun, fərqi yoxdur. Bu ayədə bir gerçəyə vurğu vardır. O da “birr”ə qovuşmaq üçün dəyər verilən maldan xərclənməlidir.

Birr nədir? Lüğətdə yaxşılıq, doğruluq, itaət, xeyir və ehsan kimi tərcümə olunan “birr”, dini terminologiyada iman, doğruluq, gözəl əxlaq, saleh əməl, xeyir, yaxşılıq, ehsan, Quran və sünnəyə tabe olma, əmr olunanları yerinə yetirmə və qadağan edilənlərdən uzaqlaşma kimi insana savab qazandıran və Allahın rizasına vəsilə olan hər cür xeyirli əməllərə, itaətlərə və gözəl davranışlara deyilir.

Bəqərə surəsi 177-ci ayədə Allah (c.c.) belə buyurur: “Üzünüzü günçıxana və günbatana çevirməyiniz “birr” deyildir. “Birr” əslində Allaha, axirət gününə, mələklərə, kitaba və peyğəmbərlərə inanan, sevdiyi halda malını qohum əqrəbaya, yetimlərə, yoxsullara, yolda qalanlara, dilənçilərə, qulların azad olunmasına sərf edən, namaz qılıb zəkat verən kimsələr, eləcə də əhd edəndə əhdinə sadiq olanlar, dar ayaqda, çətinlikdə və cihad zamanı səbr edənlərin (əməli)dir”

Elə isə “birr” adi bir yaxşılıq deyil, daha geniş məfhumdur. Birrə çatmaq üçün iman və əməl lazımdır. Eləcə də sevilən mallardan Allah rizası üçün xərcləmək lazımdır.

“Sevdiyiniz şeylərdən sərf etməyincə” məsələsinə gəldikdə isə, ümumiyyətlə infaq Allah rizasını qazanmaqdan ötəri ehtiyacı olan və yoxsul insanlara maddi yardım göstərmək, onların yaşayışlarını təmin etmək və xeyirli bir iş üçün mal xərcləməkdir.

Burada malın azlığı və ya çoxluğu önəmli deyildir. Önəmli olan təqvadır. Əgər siz sahib olduğunuz ən dəyərli malı Allah rizası üçün sərf edə bilirsinizsə, bu sizin təqvanızın göstəricisidir.

Habil-Qabil məsələsində də olduğu kimi Allah (c.c.) Habilin qurbanını qəbul etmişdi. Çünki o sürüsündəki ən gözəl qoçu Allah üçün qurban olaraq təqdim etmiş, qardaşı Qabil isə bir dəstə keyfiyyətsiz buğdanı qeyri-səmimi bir şəkildə qurban olaraq gətirmişdir. Allah (c.c.) da Habilin qurbanını qəbul etmişdir. Çünki Allaha çatan ətlər və qanlar deyil, təqvadır. (Həcc surəsi, 37) Bu bir səmimiyyət imtahanı idi və Habil bu imtahandan üzüağ çıxmışdır.

Bəqərə surəsi 177 və Ali-İmran 92-ci ayələrdə də qeyd olunan odur ki, hər hansı bir insan sahib olduğu ən dəyərli və sevdiyi malı Allah rizasını qazanmaq üçün infaq edə bilirsə, bu onun səmimiyyətinin göstəricisidir. Yuxarıda da qeyd etdiyimiz kimi burada malın azlığı və ya çoxluğu, ya da nə olduğu önəmli deyildir. Önəmli olan sahib olduğunuz ən dəyərli mal olmasıdır. Nəql olunan rəvayətlərdə də qeyd edilir ki, Hz.Peyğəmbər (s) daim səhabələrinə dəyər verdikləri mallardan Allah üçün xərcləmələrini tövsiyə edərdi. Burada iki incəlik vardır. Birincisi odur ki, siz bir malı Allah üçün xərcləyirsinizsə, o halda o mal Allaha layiq olmalıdır. İkincisi odur ki, o malı verdiyiniz insanların izzəti vardır və onların izzətləri ayaqlar altına alınmamalıdır.

Yəni bir insan dünyada ən çox sevdiyi bir şeyi Allah üçün xərcləyə bilirsə, bu o deməkdir ki, həmin insan Allahdan daha çox heç bir şeyə dəyər vermir.


Azərbaycan Milli Elmlər Akademiyasının elmi işçisi, İlahiyyat üzrə fəlsəfə doktoru
Aslan Həbibov


Yerləşdirilib:29 May, 2013  16:12, ]]>Çap]]>
 
Bu bölmədə:

Adınız |
Mətn
Captcha
|
Captcha
SONXƏBƏRLƏR
14 Oktyabr, 2019
İsrail ordusu Fələstin Şərqi Qüds qubernatorunu həbs edib
14 Oktyabr, 2019
Suriyalılar və kürdlər danışıqlar masasına əyləşdilər
14 Oktyabr, 2019
ABŞ hərbçiləri Suriya ordusunun hərəkətinə mane olur
14 Oktyabr, 2019

Kafur nədir? İslam suallarda

14 Oktyabr, 2019

"Barış pınarı": Suriyada 525 terrorçu məhv edilib

14 Oktyabr, 2019

Akademik Vasim Məmmədəliyev vəfat edib

12 Oktyabr, 2019

ABŞ Səudiyyə Ərəbistanına daha 3 min əsgər yerləşdirəcək

12 Oktyabr, 2019

Hamının sayqı duyduğu insan Daimi oxucumuz yazır

12 Oktyabr, 2019

Sufilərin “hu” zikrinin mənası nədir? İslam suallarda

12 Oktyabr, 2019

"Barış pınarı": Suriyada 399 terrorçu məhv edilib

12 Oktyabr, 2019

Türkiyəd daha 8 dinc sakin terrorun qurbanı oldu

11 Oktyabr, 2019
İran tankeri raket hücumuna məruz qalıb
11 Oktyabr, 2019

Türkiyə “Barış pınarı” əməliyyatında şəhid verib

11 Oktyabr, 2019

Kərbəla şəhidləri: şikəst, həbsdə dünyasını dəyişmiş, yaralı...

11 Oktyabr, 2019

“Barış pınarı”: Suriyada 277 terrorçu məhv edilib

11 Oktyabr, 2019

İraqda zəvvarları daşıyan avtobus qəzaya uğrayıb, 8 nəfər ölüb

11 Oktyabr, 2019

“İrşad” kitabı nədən bəhs edir və etibarlıdırmı? İslam suallarda

11 Oktyabr, 2019

Tramp: ABŞ Türkiyəyə qarşı sərt sanksiyalar tətbiq edə bilər

11 Oktyabr, 2019

Türkiyə Suriya ərazisindən atəşə tutuldu: ölən və yaralananlar var

10 Oktyabr, 2019
İndoneziyada nazirə sui-qəsd təşkil olunub
10 Oktyabr, 2019
İnsanları müqəddəs ziyarətgahlara aparmaq adı ilə aldadan şəxs saxlanılıb
10 Oktyabr, 2019
PKK-nın Suriya qanadı Türkiyə şəhərini raket atəşinə tutub
10 Oktyabr, 2019

Ərəb Dövlətləri Liqası Türkiyənin Suriya əməliyyatı ilə bağlı toplantı keçirəcək

10 Oktyabr, 2019

Qadın zöhr namazını qılmadan heyz olarsa, paklandıqdan sonra həmin namazı qəza etməlidirmi? İslam suallarda

10 Oktyabr, 2019

Türkiyə Fərat çayının şərqində quru əməliyyatına başlayıb

10 Oktyabr, 2019

Donald Tramp: "ABŞ Yaxın Şərqdəki müharibələrə 8 trilyon dollar sərf edib"

9 Oktyabr, 2019

Almaniyada sinaqoqa hücum edilib, ölənlər var

9 Oktyabr, 2019

Bloomberg: Türkiyə qoşunları Suriya sərhədini keçməyə başlayır

XƏBƏRARXİVİ
«Okt.2019
Be.Ça.Çə.Ca.Cü.Şə.Ba.
 123456
78910111213
14151617181920
21222324252627
28293031   
© 2019 Saytın materiallarından istifadə edərkən xahiş edirik www.ISLAM.az saytına istinad edəsiniz.
Copyright 2002-2016, Dini Araşdırmalar Mərkəzi, Bütün hüquqlar qorunur www.islam.az
Arzu və istəkləriniz üçün admin@islam.az
  SpyLOG Saytı düzəldib: 313wb.com