“Saytımızın qonağı”

Saytımızın hörmətli izləyiciləri! “Saytımızın qonağı” rubrikasında Sizin sualları Hacı Cavad məscidinin imam-cüməsi Hacı Əhliman Rüstəmov cavablandırır.

 

Zeynəb

- İmam Mehdinin (ə.f) müasir silahla zühur etməsi ehtimalı daha böyükdür yoxsa İmam Əlinin(ə) Zülfüqar qılıncı ilə?

- Rəvayətlərə əsasən, İmam Əlidən (ə) miras qalan hər şey İmam Zamanın (ə.f) yanındadır, o cümlədən də Zülfüqar. Təbii ki, qılıncla bugünkü silahlara qarşı adi halda vuruşmaq mümkün deyil. Ola bilər ki, Zülfüqar əlində olacaq, amma müasir silahlardan istifadə edəcək. Qılıncla gəlməyinə dair hədis var. Müasir silahlardan istifadə olunmasına da əqli dəlillərimiz var. Ola bilsin ki, qılınc sırf rəmzi xarakter daşıyacaq.

Elnur Şiriyev

- Qısa zaman kəsiyində ölkəmizdə vəhhabi cərəyanının təsirini necə azaltmaq olar? Buna dair “reseptiniz” varmı?

 

 

- Ən optimal və təsirli yol maarifçilikdir. Dinimiz təbliğ dinidir. Peyğəmbərimiz də həm behişt müjdəsi verib, həm də Cəhənnəmdən qorxudub.

Vüqar Əsgərov

- Rüşvət nədir? Əgər kimsə hansısa işin müqabilində pul və ya hədiyyə verirsə, hərçənd, əvvəlcədən belə bir şərt qoyulmayıb, yani el dili ilə desək, “şirinlik” verirsə, bu rüşvətdirmi?

- Şəriətimizdə əsl rüşvət qəzavətdədir. Yəni hakimə pul verirsən, o da hökmü haqqın olmadığı halda sənin xeyrinə çıxarır. Digər rüşvətlər isə bunun törəmələridir, budaqlarıdır. Amma günah baxımından ondan fərqlənmir. Alan da günahkardır, verən də. Bizdə bəzən el arasında “şirinlik” deyirlər. Təsəvvür edin, mənə molla rast gəlib, bunun adını “ehsan” qoyub. Deyirdi ki, “tələbələrə oxumağa yardım edirik, onlar da bizə ehsan edir, bunun nəyi pisdi?”. Cavab verdim ki, “pisliyi ilə işim yoxdur, amma hansısa məmur rüşvət alanda deyir “Allah günahımdan keçsin”, molla rüşvət alır – adını qoyur ehsan”. Hər halda verilən pul layiq olmadığı halda hansısa haqqa yiyələnmək məqsədi daşıyırsa, nə adlanırsa adlansın, yenə də rüşvətdir, haramdır.

Gülnarə İsmayılova

- Böyük və kiçik günahlar hansılardır?

 

 

- Fəsad dairəsi geniş olanlara böyük günah, fəsad dairəsi kiçik olanlara isə kiçik günah deyilir. Bu ümumi tərifdir. Ancaq istənilən kiçik günah təkrarlandıqda elə böyük günah hesab edilir. Bir qrup alim isə ümumiyyətlə kiçik günahların olmadığını deyir. Belə ki, günahın fəsad dairəsini deyil, kimin qarşısında günah edilməsini əsas götürürlər. Burda söhbət Allaha qarşı cürətdən gedir.

Asya Nur

- İmam Mehdi (ə.f) indi hardadır? Nə edir? Nə ilə qidalanır?

- Biz bir ümumi ünvan bilirik ki, qeybətdədir. Bu anlayış Yer üzündən çəkilmək deyil, gözə görünməməkdir. Necə ki, Günəş buludun arxasında qalır. Amma dəqiq ünvan demək mümkünsüzdür. Bəzi rəvayətlər var ki, hətta aramızda yaşayır. Digərlərində qeyd olunur ki, Həzrət zühur edəndə çoxlarına tanış gələcək. Qidalanmağına gəldikdə isə, elə bizim kimi qidalanır, yatır, durur.

Əli Ağayaroğlu

- Dini ədəbiyyat sahəsindəki hazırki durumu necə dəyərləndirirsiniz? Daha çox hansı mövzularda kitabların çapına ehtiyac var?

 

 

- Ümumilikdə, dinimiz zəif təbliğ olunur. Ədəbiyyata gəldikdə isə, müəyyən qadağalar var. Düzdü, indi bir qədər yumşalma müşahidə edilir. Əslində, bütün mövzulara ehtiyac var. Ehkam mövzusunda mövcud kitablar müəyyən qədər tələblərə cavab verir, zəruri ehtiyacları ödəyir. Amma İslamın əxlaqı keyfiyyətləri, İslam adı ilə dinə daxil olan cərəyanları ifşa edən kitablar yetərincə deyil. Xüsusən də gənc nəslə əxlaq mövzuları lazımdır. Çünki əxlaqı olmasa, heç ehkama da baxmayacaq. İslam fəlsəfəsinə dair kitablara da ehtiyac var. Ümumiyyətlə, İslam maarifində ortaya çıxarılmalı çox sayda kitab mövcuddur.

- Müasir inanclı insanın ən əsas fərdi və ictimai vəzifələri nədən ibarət olmalıdır?

- Vacibatlara əməl etmək. Peyğəmbər (s) İmam Əliyə (ə) buyurub ki, camaat müstəhəblə məşğul olanda sən vacibətinlə məşğul ol. İctimaiyyət də fərdlərdən təşəkkül tapır. Yəni hər şey əvvəlcədən Rəbbimiz tərəfindən müəyyənləşdirilib. Məsələn, miniyin insan üzərində 10 haqqı var.

- Dininmizin təbliğində hansı vasitə və metodlardan istifadə məqsədə uyğundur?

 

 

- Dini təbliğ edən şəxslər ixlaslı olmalıdırlar. Mühit də nəzərə alınmalıdır. Yəni bu sözü kimə deyirsən. Həzrət Əli (ə) buyurub ki, “sözün əhli olsa, sözü ondan saxlama, çünki ona zülm edirsən; sözün əhli olmasa, sözü ona demə, çünki sözə zülm edirsən”. Bunlar nəzərə alınmalıdır. Mətbuatdan, xüsusən elektron KİV-dən istifadə edilməlidir. Amma sağlam təbliğat aparılmalıdır. Bəzən baxırsan ki, şiə-sünni çəkişmələri meydana gəlir, İslam düşmənləri də kənardan baxıb gülürlər. Axı bu nəyə lazımdır? Hər kəs təbliğatını aparsın, seçən də özü seçsin. Qarşılıqlı təhqirlərə yol vermək olmaz.

Həsənov Elçin

-  Bu yaxınlarda bir nəfərlə dini filmlər və dini mahnılar haqqında mübahisəm düşmüşdü. Həmən adam qətiyyətlə bildirirdi ki, dini filmlərə baxmaq və dini mahnılara qulaq asmaq haramdır. Hacının buna münasibətini bilmək istəyirəm.

- Dini filmlər təbliğat formalarından biridir. Bu yaxında 2 dini film – “Həzrət Yusif” və “Muxtarnamə” böyük marağa səbəb oldu. Dini mahnılar da təbliğatın bir üsuludur. Dini mahnının halal-haramlığı başqa bir söhbətdir. Bununla işimiz yoxdur. Söhbət halal musiqidən gedir. Yəni halal çərçivədə bunun heç bir problemi yoxdur.

- Mən neçə vaxtdır ki, Kərbala ziyarətinə getmək istəsəm də, ziyarət pulunu toplaya bilmirəm. Bankdan kreditə pul götürüb ziyarətə getmək olar?

- Əgər söhbət faizli kreditdən gedirsə, məsləhət deyil. Amma faizsizdirsə - problem yoxdur.

Vüqar Bayramov

- Məni gündəmdə olan hicaba qadağa narahat edir. Bir çox aksiyalar oldu, imza toplandı, təqiyyə edənlər oldu. Hərə bir yolla etirazını bildirdi . Mən isə etirazımı öz içimdə saxlamaqla kifayətləndim. Qiyamətdə “sən nə etdin?” sualına nə cavab verəcəyim məni çox narahat edir . Xahiş edirəm bu barədə mənə fikir bildirərdiniz.

 

 

- Etdiyiniz hərəkətinizə əlinizdə əsaslı dəliliniz varsa, problem yoxdur.

Asya Əhmədova

- Dini təhsil almaq üçün sizə müraciət etmək mümkündürsə, bunu necə edə bilərəm?

- Mən şəxsən xanımlara dərs vermirəm. Amma məsciddə xanımlara dərs verilir, 2 qadın müəlliməmiz var. Məscidə müraciət edə bilərsiniz.

- Alın yazısı, qismət, tale barədə məlumat verərdiniz. Dinimizdə təsadüf deyilən bir şey varmı? Başımıza gələn hadisələri alın yazısı kimi və ya təsadüf kimi qiymətləndirək, yoxsa bu sadəcə verdiyimiz qərarların nəticəsidir?

- İslamda alın yazısı anlayışı yoxdur, qəza və qədər var. Alimlərdən biri deyir ki, hətta fərz etsək ki, alın yazısı var, bunu da özümüz yazırıq. Yəni hər kəs taleyini özü yazır.

Qasım Əliyev

- Gənclərə nə tövsiyə edərdiniz?

- Allahı yaddan çıxarmasınlar. Çalışsınlar, İslam ruhiyyəsində tərbiyələnsinlər. Başqa yol yoxdur.

 



Yerləşdirilib:13 Fevral, 2013  18:17, ]]>Çap]]>
 
Bu bölmədə:

Son şərhlər : 2
Müəllif: Anar | 13 Fevral, 2013  16:14
# Ответить
+4


]]>]]>

Allah Hacidan razi olsun. Yazanlardan da..
Müəllif: Asya | 13 Fevral, 2013  16:26
# Ответить
+3


]]>]]>

Allah razi olsun sizden de, Hacidan da
Adınız |
Mətn
Captcha
|
Captcha
SONXƏBƏRLƏR
21 Noyabr, 2018

Peyğəmbərin (s) səhabələrinin sayı məlumdurmu? İslam suallarda

21 Noyabr, 2018

Əfqanıstanda törədilən partlayışda 50 nəfər ölüb

21 Noyabr, 2018

Tramp: "Səudiyyə şahzadəsi Qaşıqçının öldürülməsi barədə bəlkə də bilirdi"

20 Noyabr, 2018
İsrail DİN rəhbəri maliyyə cinayətlərində ittiham olunur
20 Noyabr, 2018

Şeyxin müavini: "Dini dərslər tədris olunmasa, gələcəkdə İŞİD-ə qoşulanlar çox olacaq”

20 Noyabr, 2018
Kaşıkçı cinayətindən sonra Bin-Salman ilk xarici səfərə çıxacaq
20 Noyabr, 2018

Bəşər Əsəd mövlud tədbiri ilə bağlı camaat namazına qatılıb

20 Noyabr, 2018

Gəncədə yaşayış binasında partlayış olub, ölən və yaralananlar var

20 Noyabr, 2018

Məhəmməd peyğəmbərin (s) mübarək mövlud həftəsidir

20 Noyabr, 2018
Çavuşoğlu və Quterreş ərəb jurnalistin qətl işini müzakirə ediblər
20 Noyabr, 2018

Qarakənd faciəsindən 27 il ötür

19 Noyabr, 2018

İngilis pilot Məkkə səmasında İslamı qəbul etdi Video

19 Noyabr, 2018
Milad personajı irqçilikdə ittiham edildi
19 Noyabr, 2018

Avropa İttifaqı Səudiyyə Ərəbistanının 18 rəsmisinə sanksiya tətbiq edib

19 Noyabr, 2018
ABŞ süni ətin istehsalına hazırlaşır
19 Noyabr, 2018

Əfqanıstanda toy mərasimi raketlə vuruldu

19 Noyabr, 2018
Yəhudilər şabbata görə stüardessaları döydülər
19 Noyabr, 2018

Niyə bəzi duaları Allah həyata keçirmir? İslam suallarda

19 Noyabr, 2018

Kaşıkçının cəsədi Türkiyədən çamadanlarda çıxarıla bilər

19 Noyabr, 2018
Netanyahu İsrailin müdafiə naziri vəzifəsinin icrasına başlayıb
17 Noyabr, 2018

Аzərbaycan əhalisinin sayı açıqlanıb

17 Noyabr, 2018

Qaşıqçının öldürülməsi əmrini Səudiyyə Ərəbistanının vəliəhdi verib - KİV

17 Noyabr, 2018

Qadın naməhrəmin görmədiyi zaman başıaçıq halda və ya qısa qollu paltarda namaz qıla bilərmi? İslam suallarda

17 Noyabr, 2018
ABŞ-dakı Gülən Fondunun rəhbəri Türkiyəyə gətirilib
17 Noyabr, 2018

Azərbaycanda Milli Dirçəliş Günüdür

16 Noyabr, 2018

Məkkə və Mədinədə Kaşıkçıya cənazə namazları qılınıb

16 Noyabr, 2018

"İƏT Modeli" - 2018 Beynəlxalq Münasibətlər Akademiyasına start verildi FOTO

16 Noyabr, 2018

Məhəmməd bin Salmanın işi bitibmi? Nəzər nöqtəsi

XƏBƏRARXİVİ
«Noy.2018
Be.Ça.Çə.Ca.Cü.Şə.Ba.
   1234
567891011
12131415161718
19202122232425
2627282930  
© 2018 Saytın materiallarından istifadə edərkən xahiş edirik www.ISLAM.az saytına istinad edəsiniz.
Copyright 2002-2016, Dini Araşdırmalar Mərkəzi, Bütün hüquqlar qorunur www.islam.az
Arzu və istəkləriniz üçün admin@islam.az
  SpyLOG Saytı düzəldib: 313wb.com