O, nə üçün bir daha Aşuraya getmədi?

Daha bir Aşura geridə qaldı. Mərasimlərə qatılanlar da oldu, qatılmayanlar da, onlara biganə qalanlar da oldu, onlara qarşı çıxanlar və qamçılayanlar da oldu. Bir sözlə, bu günlər KİV, xüsusən də internet resursları və sosial şəbəkələr mövzuya dair müxtəlif səviyyəli və məzmunlu çıxışlarla bol idi. Mənim diqqətimi “Facebook”da yazılan bir status cəlb etdi. Fikir bildirməzdən əvvəl sözügedən mövqedən qısa çıxarışlara (daha doğrusu isə tərcüməsinə, çünki orijinal rus dilində idi) diqqət yetirək:

“Yaddaşımın dərinliklərində uşaqlıqdan, birotaqlı mənzilimzdən xatirələr qalıb... Düz 30 il əvvəl, səhər saat 5-də bu mənzildə valideynlərim məni və qardaşımı oyadırlar: bu gün Aşuradır, biz piyada “İmamzadə”yə getməliyik. Mən yuxuluyam və heç nə anlamıram, əlimdən tutub həyətə düşürürlər... Bu gün gülmək, əlləri sabunla yumaq, musiqi dinləmək olmaz, qəmlənmək, ağlamaq və özünün döymək lazımdır... “İmamzadə”yə yetişdikdə ilk gördüyüm şey gənclərin özlərini qayış və zəncirlə döymələri idi. Atam məni əlimdən tutdu və bu dairəyə yaxınlaşdırdı. Nə baş verdiyini və onların nə üçün belə etdiklərini anlamırdım... İllər keçdi və bütün bunlar mənim üçün tarixin bir parçasına çevrildi.... Yadımdadı, bir dəfə atam Bakıya gəlmişdi, o zaman deyəsən tələbə idim və məni Aşura qeyd olunan “Sovetski”dəki məscidə apardı. Bu, sonuncu dəfə idi və mən bir də heç zaman belə tədbirlərə getmədim...”

İndi keçək mətləbə. Şəxsdən, fərddən asılı olmayaraq, ümumi deyim ki, belə hallar olub, var və yəqin ki, olacaq. Bu niyə baş verir? İlk baxışdan hər şey düzgündür, ata övladını yüksək, əbədiyaşar dəyərlərə ürcah eləmək istəyir. Amma nəticə tam tərsinə alınır. Niyə? Səhv haradadır, nədədir?..

Qoyulan suala cavab vermək üçün bu il Aşura məclislərinə Hacı Şahin Həsənlinin seçdiyi mövzunu xatırlatmaq, bilməyənlər uçün isə məlumat vermək istərdim. Bu 10 gündəki moizələrin məğzi belə idi: din insana zövq, ləzzət, kef verməlidir, insanın hər dəqiqəsi sevinclə yoğrulmalıdır. Ləzzət dindədir, dindən kənarda həqiqi, mütləq ləzzət yoxdur.

Bu tezisləri ilk dəfə eşidənlər bəlkə də təəccüblənəcək, bəlkə də buna bir üsyan yaranacaq qəlblərində. Amma inandırım ki, sözügedən günlər ərzində bu tezislər sübutunu tapdı və bu yazı həmin sübutları təkrarlamaq üçün uyğun deyil. İndi isə qayıdaq yuxarıda qeyd olunan uşaqlıq xatirələrinə. Səmimi deyək: onlarda bir ləzzət, kef, zövq sezilirmi? Məncə orada zərrə qədər müsbət emosiya, xoş ovqat yoxdur. Sanki hər şey qaraya bürünüb. Sadə dillə desək, acı xatirələr. Əslində, bu insanın din, İslam, bəlkə də Allah üçün itirilməsinin (ən azından indiki zaman üçün bu belədir, sonu nə olacaq, onu ancaq Yaradan bilir) əsas səbəbi də elə budur. Din, İslam, Aşura düzgün təbliğ və təqdim olunmayıb. Təbii ki, heç kim fərd olaraq məsuliyyətdən boyun qaçıra bilməz, Allah heç kimə hidayət əlini uzatmamış başlı-başına buraxmır. Ancaq razılaşaq ki, ilk təqdimatın böyük, hətta deyərdim ki, əvəzsiz rolu var.

Bu yazıda göstərilən nümunə az-çox dini təbliğatla məşğul olan hər kəsə bir ibrət olmalıdır. Bəzən bu işə qol qoyuruq, amma hansı məsuliyyəti çiyinlərimizə götürdüyümüzü sanki anlamırıq. İnsanları yalnız qəbir və cəhənnəm əzabı ilə qorxuzmaqla uzaq getmək olmaz. Bu fəaliyyətin faydalı iş əmsalı çox aşağı, minimal olacaq. Dindən qaçırtdıqlarımız dinə gətirdiklərimizin sayını qat-qat üstələyəcək. Odur ki, diqqətli olaq. Xüsusən də ailə üzvlərimizi, yaxınlarımızı İslam yoluna dəvət etdikdə. Səhv seçilmiş strategiya həm onların, həm də özümüzün dünya və axirətimizi bərbad edə bilər.

V.Əliyev



Yerləşdirilib:11 Sentyabr, 2019  18:08, ]]>Çap]]>
 
Bu bölmədə:

Adınız |
Mətn
Captcha
|
Captcha
SONXƏBƏRLƏR
29 Yanvar, 2020
Ayətullah Sistani tam sağalaraq ayağa qalxıb
29 Yanvar, 2020

Dinimizdə hansı idman növləri qadağandır? İslam suallarda

29 Yanvar, 2020
ABŞ-ın İraqdakı bazasına hücum zamanı 50 hərbçi xəsarət alıb
29 Yanvar, 2020

Tramp: “Qüds İsrailin bölünməz paytaxtı olaraq qalacaq”

28 Yanvar, 2020

Bu gecə Xanım Fatimeyi Zəhranın (ə) şəhadətinin ildönümüdür

28 Yanvar, 2020

Həcc ziyarəti bahalaşır

28 Yanvar, 2020
İŞİD İsraili hədələdi
28 Yanvar, 2020

Qurani-Kərimdə neçə peyğəmbərin adı qeyd edilib? İslam suallarda

28 Yanvar, 2020
Çində koronavirusa yoluxanların sayı 4515 nəfərə çatıb
28 Yanvar, 2020
Əfqanıstanda “Taliban” silahlıları tərəfindən 10 polis öldürülüb
27 Yanvar, 2020
ABŞ Suriyada İŞİD-ə qarşı əməliyyatlara başladı
27 Yanvar, 2020

Qafqazın ilk Şeyxül-islamı kim olmuşdur? İslam suallarda

27 Yanvar, 2020
Suriyada baş verən partlayışda 8 nəfər ölüb
27 Yanvar, 2020
ABŞ-ın İraqdakı səfirliyinə raket hücumu: üç nəfər yaralanıb
24 Yanvar, 2020
Müqtəda Sədr bütün ABŞ qüvvələrinin ölkədən çıxmasını tələb edib
24 Yanvar, 2020

Övlad valideynin günahına görə cavab verirmi? İslam suallarda

24 Yanvar, 2020
ABŞ hərbçiləri Suriyada Rusiya generalını ələ keçirib
24 Yanvar, 2020

Radikallığı təbliğ edən 216 adda kitabın ölkəyə idxalının qarşısı alınıb

23 Yanvar, 2020
Məhkəmə Suriyada döyüşməkdə təqsirləndirilən şəxslərlə bağlı qərar çıxardı
23 Yanvar, 2020

İdlibdə ağır döyüşlər gedir: 40 hərbçi ölüb

23 Yanvar, 2020

Qadın öz ərinin cibindən icazəsiz pul götürə bilərmi? İslam suallarda

23 Yanvar, 2020
İranda Zərdüştün doğum günü rəsmi bayram olacaq
23 Yanvar, 2020
Tramp Qasım Süleymaninin yerinə gələn generalı təhdid etdi
22 Yanvar, 2020

Həyat yoldaşlarının bir-birini qısqanması icazəlidirmi? İslam suallarda

22 Yanvar, 2020
Daha bir iranlı komandir öldürüldü
22 Yanvar, 2020
İsrail hərbçiləri üç fələstinlini öldürdülər
21 Yanvar, 2020
Səudiyyə ordusunda ilk dəfə qadın bölməsi yaradılıb
21 Yanvar, 2020

Trampın başına 3 milyon dollar pul qoyldu

XƏBƏRARXİVİ
«Yan.2020
Be.Ça.Çə.Ca.Cü.Şə.Ba.
  12345
6789101112
13141516171819
20212223242526
2728293031  
© 2020 Saytın materiallarından istifadə edərkən xahiş edirik www.ISLAM.az saytına istinad edəsiniz.
Copyright 2002-2016, Dini Araşdırmalar Mərkəzi, Bütün hüquqlar qorunur www.islam.az
Arzu və istəkləriniz üçün admin@islam.az
  SpyLOG Saytı düzəldib: 313wb.com