Qədr gecəsi necə dua edək?

“Rəbbiniz buyurdu: “Dua edin, mən də sizin dualarınızı qəbul edim”

(Mömin, 60).

Bəndəçiliyin bir əlaməti də duadır. İnsan Allaha üz tutaraq məhz Rəbbinə ehtiyaclı olduğunu, yeganə xilasının məhz Onda olduğunu nümayiş etdirir. Tanrıya hər zaman dua ilə müraciət etmək olar. Amma şübhəsiz ki, mübarək Ramazan ayı bunun üçün ən gözəl fürsətdir. Ramazan ayında isə ən uyğun zaman ehtimal edilən Qədr gecələridir. Bəs bu gecələr hansı duaları və necə edək?

İslam mənbələrində, demək olar, həyatın hər vəziyyəti üçün müəyyən dualar mövcuddur. Onları “şablon dualar” da adlandıra bilərik. Bəziləri mötəbər, bəziləri isə bir o qədər də səhih deyil. Sözsüz ki, istənilən duanı oxumaq, onları dilə gətirərək Allaha əl açmaq mümkündür. Amma bir qeydə ehtiyac duyuruq.

Təsəvvür edək ki, bir ata uzun ayrılıqdan sonra evinə dönür. Qapıda onu oğlu qarşılayır. Atasını görüncə, dərhal cibindən bir vərəq çıxarır, höccələyə-höccələyə, vurğuları düzgün qoymayaraq həyəcanlı səslə oxumağa başlayır: “Əziz və möhtərəm valideynim! Səni doğma yuvamızda səmimi qəlbdən salamlayıram! Qədəmlərin mübarək olsun! Səni bizə qovuşduran yollar, sözsüz ki, dünyanın ən üstün yollarıdır! Sənin isti nəfəsin... və s. və i.a”. Baş verənlərdən məəttəl qalan ata da soruşur: “Ay bala, bir dayan görək e! Bu nə sözlərdi? Axı bunu sənə kim öyrədib?” Oğul da cavab verir ki, “filankəs 200 il əvvəl atasını qarşılayanda bu sözləri deyib”. İndi düşünək: belə variant ataya xoş ovqat bəxş edəcəkmi, o, övladından belə qarşılanma, belə münasibət, belə rəsmiyyət gözləyirmi? Dualar da belədir.

Məsumlarımızdan nəql edilən dualarımız var, “Səhifeyi-Səccadiyyə”miz var. Əlbəttə ki, onları açıb oxumaq, onları özümüzə bir ülgü qərar vermək olar, lazımdır da. Amma bu dualarla yanaşı Allaha özümüzün də deməyə sözümüz olmalıdır axı! Bu, ən üstün dərəcədə olsa belə, onların duasıdır. Bəs biz harada qaldıq? Məgər bizim Allaha deməyə sözümüz yoxdur? Yəni qəlbimiz o qədər boşdur ki, əlimizdə şparqalka olmasa Yaradan qarşısında ancaq sükut edəcəyik? Məsumlarımız bizə yol göstəriblər, nümunə veriblər – belə minacat etməyə cəhd edin! Təbii ki, heç kim Həzrət Əlidən (ə), imam Səccaddan (ə) üstün dua edə bilməz, buna qüdrəti, elmi, helmi çatmaz. Ancaq hər şeydə mövcudluğu vacib olması səmimiyyət duada da qeybə çəkilməməlidir.

Allah bizə dua etməyin yollarını və üsulunu nişan verir:

“Rəbbiniz buyurdu: “Dua edin, mən də sizin dualarınızı qəbul edim” (Mömin, 60).

“(Ey möminlər!) Kafirlərə xoş gəlməsə də, Allaha yalnız dini Ona aid edərək (ixlasla) dua edin!” (Mömin, 14).

“Ən gözəl adlar Allahındır. Onu bu adlarla çağırıb dua edin” (Əraf, 180).

“De: “Əgər duanız olmasa, Rəbbimin yanında nə qədir-qiymətiniz olar?” (Fürqan, 77).

Sonda isə bir daha təkrar etmək istərdik. Məşhur duaları oxuyaq, onlardan ibrət alaq və... Allaha daha gözəl, daha səmimi dua etməyi öyrənək.



Yerləşdirilib:23 May, 2019  13:49, ]]>Çap]]>
 
Bu bölmədə:

Adınız |
Mətn
Captcha
|
Captcha
SONXƏBƏRLƏR
21 Yanvar, 2020
Səudiyyə ordusunda ilk dəfə qadın bölməsi yaradılıb
21 Yanvar, 2020

Trampın başına 3 milyon dollar pul qoyldu

21 Yanvar, 2020
İŞİD-çi terrorçu qadın Norveç hökumətini parçaladı
21 Yanvar, 2020
YUNESKO: Dünyada jurnalistlərə qarşı cinayətlərin 90%-i cəzasız qalır
21 Yanvar, 2020

İnsanın öz adını dəyişməsinə din icazə verirmi? İslam suallarda

21 Yanvar, 2020
İran Ukrayna təyyarəsinin vurulması ilə bağlı hesabatı yayıb
21 Yanvar, 2020
KİV: İŞİD-in yeni rəhbəri məlum olub
20 Yanvar, 2020
20 Yanvar faciəsindən 30 il ötür
18 Yanvar, 2020

“Təcridül-etiqad” kitabının müəllifi kimdir və bu kitab hansı mövzudadır? İslam suallarda

18 Yanvar, 2020
Hələbdə 28 dinc sakin öldürülüb
18 Yanvar, 2020
Türkiyə 4 terrorçunu Almaniyaya deportasiya edib
17 Yanvar, 2020
Bakı dünyanın ən bahalı şəhərləri siyahısında
17 Yanvar, 2020

İsrafil mələk haqqında dinimizdə nə deyilir? İslam suallarda

17 Yanvar, 2020
Suriyada üç Türkiyə əsgəri şəhid oldu
17 Yanvar, 2020
ABŞ İraqda 11 hərbçisinin yaralandığını təsdiq edib
16 Yanvar, 2020
Almaniyada azərbaycanlı məscidə hücum etdi: “Bura şeytan yuvasıdır”
16 Yanvar, 2020

Əgər hər şey Allahın qəza-qədərində varsa, niyə dua edirik? İslam suallarda

16 Yanvar, 2020
İsrail HƏMAS-ın obyektlərinə raket zərbələri endirdi
16 Yanvar, 2020
ABŞ ordusunda ilk: hicablı qadın xidmət aparacaq
15 Yanvar, 2020
Pakistanda 93 nəfər əlverişsiz hava şəraitinin qurbanı olub
15 Yanvar, 2020

Tarixdə Təbəri adlı bir neçə alim olmuşdurmu? İslam suallarda

15 Yanvar, 2020

İranda Ukrayna təyyarəsinin vurulması anını videoya çəkən şəxs saxlanılıb

15 Yanvar, 2020

Mübariz Qurbanlı: "Əbu Bəkr" məscidinin açılması təmir işlərinin başa çatmasından asılıdır"

14 Yanvar, 2020

Həzrət Adəmin (ə) canişini kim olmuşdur? İslam suallarda

14 Yanvar, 2020
Türkiyənin iki hərbçisi İraqın şimalında şəhid oldu
14 Yanvar, 2020
Süleymaninin meyitini onlar görüntüləyiblər
13 Yanvar, 2020

Kəbənin üzərindəki qara örtük harada və necə hazırlanır? İslam suallarda

13 Yanvar, 2020
ABŞ 2020-ci ildə “taliblər”lə saziş bağlamaq istəyir
XƏBƏRARXİVİ
«Yan.2020
Be.Ça.Çə.Ca.Cü.Şə.Ba.
  12345
6789101112
13141516171819
20212223242526
2728293031  
© 2020 Saytın materiallarından istifadə edərkən xahiş edirik www.ISLAM.az saytına istinad edəsiniz.
Copyright 2002-2016, Dini Araşdırmalar Mərkəzi, Bütün hüquqlar qorunur www.islam.az
Arzu və istəkləriniz üçün admin@islam.az
  SpyLOG Saytı düzəldib: 313wb.com