Şri-Lankada terrorun əks-sədası: müsəlmanlara hücumlar başlayıb

Şri-Lankada müsəlmanlara məxsus fabrik yandırılıb. BBC-nin məlumatına görə, paytaxt Kolombonun şimalında yerləşən fabrik müsəlmanlara düşmən qruplar tərəfindən yandırılıb və içəridəki əşyalar məhv edilib.

Aprelin 21-də Şri-Lankada baş verən və 253 nəfərin ölümünə səbəb olan terror hadisələrindən sonra müsəlmanlara qarşı nifrət artıb. Ölkənin baş yepiskopu Malkolm Kardinal Ranjit Şri-Lankada müsəlmanlara qarşı hücumları pisləyib, bütün etnik və dini qruplara birlik çağırışı edib. Hücumların dayandırılmasına çağıran Kardinal müsəlmanlara xitabən “bu cür pis niyyətli hücumlar qarşısında qorxmayın və səbrli davranın” deyib.

Kardinal Ranjit deyib ki, müsəlmanların ibadət və iş yerlərinə olan hücumlar siyasi bağlantılıdır. O, siyasi liderlərə də müraciət edərək tərəfdarlarını sakitləşdirməyə çağırıb.

Qeyd edək ki, məlum terror olaylarından sonra ölkənin müxtəlif bölgələrində müsəlman əleyhdarı qruplar fəallaşıb. Bir qədər əvvəl Şri-Lankanın şimal-qərbindəki Puttalam əyalətində radikal qrup 45 yaşlı müsəlmanı bıçaqlayaraq öldürüb.

Xatırladaq ki, aprelin 21-də Şri-Lankada xristianların Pasxa bayramı günü 3 kilsədə və paytaxt Kolomboda 3 lüks hoteldə olmaqla ümumilikdə 8 terror aktı törədilib. Terror aktı nəticəsində 253 nəfər ölüb, 500 nəfərdən çox insan isə yaralanıb. Partlayışlara görə məsuliyyəti İŞİD terror təşkilatı öz üzərinə götürüb. İŞİD-in təbliğat agentliyi “Amaq”ın yaydığı açıqlamada bildirilir ki, hücumların hədəfi koalisiya ölkələrinin vətəndaşları və Şri-Lankadakı xristianlardır. Ancaq İŞİD terror hücumunun məsuliyyətini üzərinə alsa da, bunu necə və hansı vasitə ilə törətdiyini açıqlamayıb.

Terror aktına görə 60 nəfər saxlanılıb. Ümumilikdə terror aktını 9 nəfərin həyata keçirdiyi ehtimal olunur. 9 terrorçudan ikisi ölkənin ən varlı müsəlman iş adamlarından olan Məhəmməd Yusif İbrahimin oğlanları olub. Polis iş adamını həbs edib.

Şri-Lanka hökuməti bəyan edib ki, ölkədə İŞİD-lə bağlantısı olan 140 nəfərin şəxsiyyəti müəyyən olunub və bu şəxslərin axtarışları davam edir.

Şri-Lankada etnik-dini münaqişənin 70 ildən çox yaşı var. 1948-ci ildə ada müstəqil olduqdan sonra ölkə əhalisinin 12 faizini təşkil edən Tamil xalqı müstəqilliyin verdiyi siyasi hüquqlardan yararlana bilməyib. Əvvəlcə etnik münaqişə kimi başlayan hadisələr Şri-Lankada 1981-2009-cu illərdə davam edən qanlı müharibəyə çevrilib. Hökumət qüvvələri və “Tamil Pələngləri” qruplaşması arasında baş verən toqquşmalar nəticəsində bəzi rəqəmlərə görə 70, bəzilərinə görə isə 100 min insan ölüb. Nəhayət, 2009-cu ildə hökumətin tamillərə qarşı başlatdığı genişmiqyaslı əməliyyatlar nəticəsində qruplaşmanın əyalətdəki, ümumiyyətlə, Şri-Lankadakı hərbi varlığına son qoyulub. Bu əməliyyatlar zamanı 40 min Tamil öldürülüb.

21 aprel terroru göstərir ki, etnik və dini sahədə problemlərin qalması terrorizm üçün münbit şərait yaradır. Hazırda 21 milyon əhalisi olan Şri-Lankanın 9,7 faizini müsəlmanlar təşkil edir.

Görünən odur ki, Şri-Lankada terrordan sonra gözlənilən ən pis nəticə baş verir. Ölkə yenidən xaos və yeni etnik-dini qarşıdurmaya sürüklənir. Əslində Hind okeanının bu ada ölkəsində terror törədənlərin məqsədi elə bu idi: Ölkədə yenidən vətəndaş müharibəsi başlasın. Kardinalın da qeyd etdiyi kimi, bunda maraqlı olan siyasi qüvvələr də hadisələri qızışdırır. Adada müsəlmanlara hücumların artması çox keçmədən tamillərin yenidən silahlı üsyan başlatmasına səbəb ola bilər. Bunun qarşısını almaq üçün sağlam düşüncəli, nüfuzlu insanların müdafiəsi lazımdır, lakin görünən odur ki, güclü əllər ölkənin yenidən xaos və terror yuvasına çevrilməsi üçün əllərindən gələni edir.

Kənan RÖVŞƏNOĞLU,

“Yeni Müsavat”



Yerləşdirilib:16 May, 2019  11:27, ]]>Çap]]>
 
Bu bölmədə:

Adınız |
Mətn
Captcha
|
Captcha
SONXƏBƏRLƏR
26 May, 2019

Bu gecə Həzrət İmam Əlinin (ə) şəhadətinin ildönümüdür

26 May, 2019

Bu gün, mayın 26-ı, ehtimal olunan ikinci Qədr gecəsidir

25 May, 2019

Azərbaycanda ehtimal edilən birinci Qədr gecəsi qeyd olundu Fotolent

25 May, 2019

Evdə dini yazı yazılmış kağızlar lazımsız qalıbsa, onları necə yox etmək olar? Yandırmaq olarmı? İslam suallarda

25 May, 2019
Saakaşvili mayın sonunda Ukraynaya qayıdacaq
25 May, 2019
Tramp Yaxın Şərqə qoşun göndəriləcəyini təsdiqləyib
24 May, 2019

Qədr gecəsinin əməlləri

24 May, 2019

Prezident dini qurumlara maliyyə yardımı ayırdı

24 May, 2019
Kabildə məsciddə partlayış baş verib
24 May, 2019
Pakistanda cümə namazına hücum edilib, ölənlər var
24 May, 2019

İŞİD Tacikistanda şiə alimlərin başını kəsdi

24 May, 2019
Hindistan İran neftinin idxalını tamamilə dayandırıb
24 May, 2019
BMT İraqda 12 kütləvi məzarlıq aşkarlayıb
24 May, 2019

Tramp: "İraqa hücum etmək lazım deyildi"

24 May, 2019

Ruhani: "İranı bombardman etsələr, təslim olmayacağıq"

24 May, 2019

Orucluq zamanı bədənə ağrıkəsici iynə vurdurmaq, qadınlara aid və yaxud bağırsaq şamları qoymaq olarmı? İslam suallarda

24 May, 2019
Suriyada silahlı dəstə ordunun zabitlərini əsir götürüb
24 May, 2019

Bu gün, mayın 24-ü, ehtimal edilən birinci Qədr gecəsidir

23 May, 2019

Prezident iftar mərasimində iştirak edib

23 May, 2019

Əhməd Davudoğlu imam Əlinin (ə) göstərişinə uyğun davrandı

23 May, 2019

Səudiyyə Ərəbistanında ilahiyyatçılar edam olunacaq

23 May, 2019
Zelenski Rusiya ilə dialoq aparmayacaq
23 May, 2019
Pakistan yeni nüvə raketini sınaqdan keçirib
23 May, 2019

Qədr gecəsi necə dua edək? Redaktordan

23 May, 2019

Səudiyyə koalisiyasının öldürdüyü yəmənlilərin sayı açıqlanıb

23 May, 2019

Ramazan ayında cənabət qüslü almağı unudan və bu halda oruc tutan, lakin gün ərzində bunu xatırlayan şəxsin orucu düzgündürmü? İslam suallarda

23 May, 2019
Fələstinin bütün cinahları ABŞ-ın Bəhreyn toplantısını boykot ediblər
23 May, 2019

BMT: Azərbaycanda kişilərin 32,5 faizi qadınlara qarşı zorakılıq törədir

XƏBƏRARXİVİ
«May.2019
Be.Ça.Çə.Ca.Cü.Şə.Ba.
  12345
6789101112
13141516171819
20212223242526
2728293031  
© 2019 Saytın materiallarından istifadə edərkən xahiş edirik www.ISLAM.az saytına istinad edəsiniz.
Copyright 2002-2016, Dini Araşdırmalar Mərkəzi, Bütün hüquqlar qorunur www.islam.az
Arzu və istəkləriniz üçün admin@islam.az
  SpyLOG Saytı düzəldib: 313wb.com