Bu gecə Həzrət Xədicənin (ə) vəfatının ildönümüdür

Mübarək Ramazan ayının 10-u İslam tarixinin əzəmətli qadınlarından biri, Həzrət Rəsuli-əkrəmin (s) həyat yoldaşı və "möminlər anası" (ummul-muminin) Həzrət Xədiceyi-Kübranın (ə) vəfat günüdür.

İslam.az-ın məlumatına görə, Həzrət Xədicə (ə) hicrətdən 68-il əvvəl Məkkə şəhərində dünyaya göz açıb. Atasının adı Xuvəylid ibn Əsəd, anasının adı isə Fatimə binti Zaidət ibn Asim idi. O İslamı qəbul edən ilk qadın kimi tarixə düşüb.

Həzrət Əli (ə) "Qasiə" xütbəsində onun fədakarlığını xatırladaraq buyurur: "İslamın əvvəlindəki çətin anlarda İslam dini Rəsulullahın (s) - Xədicənin evindən başqa heç bir evə daxil olmamışdı. Mən də onların üçüncüsü idim”. ("Nəhcül-bəlağə”, 192-ci xütbə.)

Müasir tədqiqatçıların nəzərinə görə, Həzrət Xədicə (ə) Həzrət Məhəmməd (s) peyğəmbərlə (s) ilə evlənməzdən əvvəl heç vaxt evli olmayıb.

Həzrət Xədicə (ə) 40 yaşında ikən Həzrət Məhəmmədlə (s) (o zaman peyğəmbər ömrünün 25 yaşında idi) ailə həyatı qurub. Bu ailədən onun Qasim, Abdullah, Rüqəyyə, Zeynəb, Ümmü-Gülsüm və Fatimeyi-Zəhra (s) adlı altı övladı olub. İki oğlu - Qasim və Abdullah uşaq yaşlarında ikən dünyalarını dəyişiblər.

Həzrət Xədicə (ə) çox iffətli və ismətli olduğu üçün hələ cahiliyyət zamanında ona "Tahirə" (ismətli xanım) ləqəbini vermişdilər.

Rəvayət və hədislərdən belə məlum olur ki, Həzrət Xədiceyi-Kübra (ə) atasından qalmış mal-mülkdən əlavə çoxlu sərvət və əmlaka malik olub. O, ağıl və nüfuzda da üstünlüyə malik idi. Əqəbə ibn Əbi Məit, ibn Əbi Şəhab, Əbu Cəhl, Əbu Süfyan kimi çoxlu sərvətə sahib olan şəxslər ayrı-ayrı vaxtlarda Həzrət Xədicənin (ə) elçiliyinə gəlmişdilər. Lakin o, bu təkliflərin heç birini qəbul etməyib, nəhayət Peyğəmbərlə (s) ailə həyatı qurub. Bu izdivac xüsusi tərz və mərasimlə həyata keçib.

Həzrət Xədicə (ə) "Şəbi Əbi Talib” mühasirəsi zamanı həyatının ən çətin dövrünü yaşayıb. Şəbin mühasirəsindən çıxdıqdan bir il sonra (besətin 9-cu və ya 10-cu ili) Peyğəmbərin (s) əmisi və himayədarı Həzrət Əbu Talibin (ə) vəfatından bir neçə gün sonra dünyasını dəyişib. İslam Peyğəmbəri (s) həmin ili "Hüzn və qəm-qüssə" ili adlandırıb.

Həzrət Xədicə (ə) 24 il Peyğəmbərlə (s) ömür sürüb. Bu müddət ərzində həzrətin kədərinə şərik olub. Xanım Xədicə (ə) özünün böyük sərvətini İslam dinini təbliği və inkişafı üçün Peyğəmbərin (s) ixtiyarında qoyaraq bu səmavi dinin irəliləməsində böyük rol oynayıb.

Həzrət Məhəmməd (s) Xədicənin (ə) ona göstərdiyi mehribanlıqları və fədakarlıqları heç vaxt unutmayıb. Hər zaman onu xatırlayar və salamlayardı. Həzrət onun haqqda buyurardı: "Hamı məni təkzib edəndə Xədicə məni təsdiq etdi. Hamı məndən uzaqlaşanda, o mənə iman gətirdi. Məni tək-tənha qoymadı və müdafiə etdi. Allah ona rəhmət etsin”.

Onun yüksək mənəvi məqamı barəsində bunu demək kifayətdir ki, behişt xanımları arasında özünün ən yüksək məqama malik qızı Həzrət Fatimeyi Zəhradan (ə) sonra o, Həzrət Məryəm, Həzrət Asiyə kimi ən üstün şəxsiyyət və məqama malikdir.

Nəql olunmuşdur ki, Peyğəmbər (s) vaxtaşırı bir heyvanı qurban kəsər və onun ətini Həzrət Xədicəni (ə) istəyən, ona məhəbbət bəsləyənlərin arasında bölüşdürərdi. O böyük şəxsiyyətli, alicənab xanım şərəfli ömrünün son anlarında Peyğəmbərdən (s) xahiş etmişdi ki, öz əbasını kəfən kimi ona büksün.

Həzrət Xədicə (ə) vəfat edən zaman azyaşlı Fatimeyi-Zəhra (ə) atası Həzrət Peyğəmbərin (s) ətrafında dolanır və soruşurdu: "Ya Rəsuləllah! Mənim anam haradadır?". Peyğəmbər (s) cavab verib buyururdu: "Cəbrail nazil olub dedi ki, Allah-taala sənə belə əmr edir: Fatiməyə salam çatdır və ona de ki, sənin anan elə bir evdədir ki, onun tavanı qızıldan, sütunları qırmızı yaqutdandır, özü də Asiyə ilə Məryəmin yanındadır".

Bu alicənab xanımın Məkkə şəhərində, "Əbu Talib" qəbiristanlığında yerləşən qəbri Allah və Rəsulunu sevənlərin ziyarətgahıdır. Təəssüflər olsun ki, keçən əsrin əvvələrində peyğəmbər ailəsinin üzvləri və bir çox səhabələrin dəfn olunduğu "Cənnətül-müəlla" kimi tanınan bu qəbiristanlıqdakı məzar daşları və türbələr vəhhabi şeyxlərinin göstərişi ilə təmamilə dağıdılaraq tanınmaz hala salınmışdır və yalnız yaddaşlardakı işarələrlə Peyğəmbərin həyat yoldaşı Həzrət Xədicənin (ə), əmisi Həzrət Əbu-Talibin (ə) və digərlərinin dəfn olunduqları yerlər məlumdur.



Yerləşdirilib:15 May, 2019  16:43, ]]>Çap]]>
 
Bu bölmədə:

Adınız |
Mətn
Captcha
|
Captcha
SONXƏBƏRLƏR
16 Avqust, 2019

Ermənistan ordusunun növbəti təxribatı, əsgərimiz yaralanıb

16 Avqust, 2019

Bu gecə imam Әliyyən-Nəqinin (ə) mövludunun ildönümüdür

16 Avqust, 2019
İndoneziyanın paytaxtı köçürüləcək
16 Avqust, 2019
Bu il Azərbaycanda boşanmaların sayı artıb
16 Avqust, 2019

Səfərə çıxan adam getdiyi yerdə neçə gün qalacağını qabaqcadan bilmirsə, namazları necə qılmalıdır? İslam suallarda

16 Avqust, 2019

Qəzaya uğramış təyyarəmizin qalıqları tapıldı

16 Avqust, 2019
Tramp Qrenlandiyanı almaq arzusundadır
15 Avqust, 2019
Türkiyədə hərbi hissəyə hücum olundu
15 Avqust, 2019

İsrail ABŞ Nümayəndələr Palatasının müsəlman üzvlərinin Qüdsə girişini qadağan edib

15 Avqust, 2019

Pakistan və Hindistan orduları arasında yenidən atışma baş verib, ölənlər var

15 Avqust, 2019
Hacıların ilk qrupu avqustun 21-i Bakıya yola düşəcək
15 Avqust, 2019
Sabiq prezidentə qarşı yeni ittihamlar irəli sürüldü
15 Avqust, 2019

Türkiyənin lazer silahı Çinin döyüş təyyarəsini məhv etdi

15 Avqust, 2019

Subay oğlanın evli olub boşanmış qadınla ailə qurmasına dinimiz necə baxır? İslam suallarda

15 Avqust, 2019

Suriyada yaraqlılar “Su-22” qırıcısını vurdular, pilot əsir götürüldü

15 Avqust, 2019

Həcc ziyarətində səkkiz uşaq dünyaya gəldi

30 İyul, 2019
İranın sabiq vitse-prezidenti edama məhkum edilib
30 İyul, 2019

ABŞ-da vəhşilik: müsəlman olduğu üçün döyüb öldürdülər Video

30 İyul, 2019

Əfqanıstanda partlayış nəticəsində 3 uşaq həlak olub

30 İyul, 2019

Həcc mərasimi üçün Səudiyyəyə daxil olan hacıların sayı 1 milyonu keçib

30 İyul, 2019

Pakistanda təyyarə binaların üstünə düşdü: ölənlər var

30 İyul, 2019

"İmam Mehdi (ə) elə hökmləri təbliğ edəcək ki, onun yeni din gətirdiyi güman olunacaq” fikrinin izahı nədir? Islam suallarda

30 İyul, 2019

Əfqanıstanda 2 ABŞ əsgəri öldürülüb

30 İyul, 2019

Türkiyə gənc uyğur ananı və iki övladını Çinə təhvil verib

29 İyul, 2019
Sudanda yürüş zamanı 5 dinc aksiyaçı öldürülüb
29 İyul, 2019

Türkmənistan prezidentinin ölüm xəbərinə görə həbslər başladı

29 İyul, 2019

Rusiya BQ: Dörd ay ərzində 110 Suriya əsgəri ölüb

29 İyul, 2019

Əfqanıstan vitse-prezidentliyinə namizədin ofisi hücuma məruz qalıb, çox sayda ölü

XƏBƏRARXİVİ
«Avq.2019
Be.Ça.Çə.Ca.Cü.Şə.Ba.
   1234
567891011
12131415161718
19202122232425
262728293031 
© 2019 Saytın materiallarından istifadə edərkən xahiş edirik www.ISLAM.az saytına istinad edəsiniz.
Copyright 2002-2016, Dini Araşdırmalar Mərkəzi, Bütün hüquqlar qorunur www.islam.az
Arzu və istəkləriniz üçün admin@islam.az
  SpyLOG Saytı düzəldib: 313wb.com