Vəsiyyət (Hekayə)

Yas məclisi idi. Yuxarı başda molla əyləşib, təsbeh çevirirdi. Əsəbi olduğu hiss edilirdi. Armudu stəkandan çay içə-içə eynəyin üzərindən mağara nəzər salırdı.

Mağarda isə səs-küy idi, hərə öz yanında əyləşənlə söhbət edirdi. Nəhayət, stəkanı nəlbəkiyə qoyub, molla dilləndi:

- Camaat, bir az sakit olun, xahiş edirəm. Allah kəlamı zikr edək, rəhmətliyin də ruhu şad olsun.

Amma onun danışığına məhəl qoyan yox idi. Həmin səs-küy mağarı bürümüşdü. Molla yenə çaydan 1-2 qurtum aldı, Quranı götürdü, 3 dəfə öpüb gözünün üstünə qoydu.

- Quran tilavət edib savabını bağışlayaq mərhuma, ruhu şad olsun. Peyğəmbər və Ali peyğəmbərə salavat deyək.

Amma özündən savayı heç kim demədi. Molla Quranı açdı:

- Əuzubilləhim-minəşşeytanir-rəcim...

Elə bu vaxt mollaya təqribən 35 yaşlı kişi yaxınlaşdı, qulağına nə isə pıçıldadı. Molla da ona nə isə dedi, sonra əli ilə “buyur” işarəsini verdi. Kişi masanın yanında dayanıb danışmağa başladı:

- Əziz qonaqlarımız! Məni yəqin ki, əksəriniz tanıyırsınız. Mən rəhmətlik hacı İsmayılın oğluyam. Əvvəla öz adımdan hamınıza təşəkkür edirəm – zəhmət çəkib atamın yas məclisinə təşrif buyurmuşsunuz. İndi burda danışmağım isə atamın vəsiyyəti ilə əlaqəlidir. Hacı tezliklə bu dünyadan köçəcəyini yəqin etdikdən sonra, daha dəqiq isə, ölümündən təqribən 1 ay əvvəl, məni yanına çağırdı, bu zərfi verdi (əlindəki zərfi yuxarı qaldırdı). Dedi ki, bala, elə ki mənim yas məclisimdə molla Quran oxumağa başlayacaq, çıx qabağa, bu zərfi aç və içindəkiləri oxu. Utanma, bu sözləri sən demirsən, mən deyirəm...

Mağara tam sakitlik çökdü. Milçək vızıltısı eşidilirdi hətta. Hamı bu gözlənilməz hadisədən sanki donub qalmışdı. Axı bütün yas məclisləri bir-birinə bənzəyir, ancaq iştirakçılar fərqli olurdu... Kişi zərfi açdı, həyəcanı, əlləri əsdiyi hiss olunurdu. Kağızı çıxardıb göz gəzdirdi, oxumağa başladı.

- Bismillahir-Rahmanir-Rahim. Əziz qohumlar, dostlar, qonşular. Hamınızdan Allah razı olsun. Sayıb gəlmisiniz. Allah ölənlərinizə rəhmət eləsin. Bilirəm ki, indi molla əmi çox əsəbidir. Çünki onun nə danışdığına, nə də oxuduğuna məhəl qoyan var. Özüm dəfələrlə belə şeylərin şahidi olmuşam. Başa düşürəm, bəziləriniz aylardır, bəlkə də illərdir ki, bir-birinizi görmürsünüz. Danışılası çox şey var. Allaha həmd olsun ki, bu görüşünüzə azacıq da olsa vəsilə oldum. Odur ki, sizi bir-birinizdən ayırmaq bəlkə də Allaha xoş getməz. Ona görə xahişim budur... Son xahişim. Kim Quranı dinləmək istəmirsə, 5-10 dəqiqə çıxıb söhbətini bayırda davam etdirsin. Qurana hörmətsizlik olmasın. Vallah, and ola Allaha, şəxsən mən incimirəm. Molla Quran oxumağı bitirdikdən sonra isə yenə buyurun, gəlin. Ehsan olmalıdır, oğluma da bu barədə göstəriş vermişəm. Yenə də, Allah hamınızdan razı olsun. Haqqınızı halal edin. Bu məktub oxunanda artıq - mərhum hacı İsmayıl.

Kişi oxuyub qurtardı. Mağarda yenə də tam sakitlik idi. Molla başını əlinə dayayıb o biri əli ilə stəkanı fırladırdı nəlbəkidə. Sonra başını dikəltdi, üzünü kişiyə tutub astadan dedi:

- Allah atana rəhmət eləsin...

Sonra Quranı götürüb oxumağa başladı. Cingiltili, gözəl avazlı səsi mağarı bürüdü. Hamı sakit oturmuşdu. Çoxu başını aşağı salmışdı...

V.Əliyev



Yerləşdirilib:13 Fevral, 2019  12:17, ]]>Çap]]>
 
Bu bölmədə:

Adınız |
Mətn
Captcha
|
Captcha
SONXƏBƏRLƏR
18 Sentyabr, 2019

Belə namaz və belə namaz qılanlar da var... Günün fotosu

18 Sentyabr, 2019

Alimlər ölünün parçalanmasını lentə aldı: 17 ay hərəkət edirmiş

18 Sentyabr, 2019

Yemək süfrəsi arxasında danışmaq olarmı? İslam suallarda

18 Sentyabr, 2019
ABŞ Türkiyəni onlardan silah almağa çağırıb
18 Sentyabr, 2019

ABŞ "Saudi Aramco"ya hücumdan sonra İrana zərbə endirməyi təklif edib

17 Sentyabr, 2019

Şəhadət meydanında qılınan namaz

17 Sentyabr, 2019

Əfqanıstanda seçki mitinqində partlayış törədilib, çox sayda ölü

17 Sentyabr, 2019

Heç bir müstəvidə ABŞ-la danışıq olmayacaq - ayətullah Xamenei

17 Sentyabr, 2019

İŞİD lideri yeni hücumlarla bağlı tərəfdarlarına çağırış edib

17 Sentyabr, 2019

İmamlardan hansılar daha yaşlı və daha cavan ikən dünyasını dəyişmişlər? İslam suallarda

17 Sentyabr, 2019

Putin suala cavabında Qurandan sitat gətirdi

17 Sentyabr, 2019

İranlı general: "İran müharibə istəmir, lakin müharibəyə tam hazırdır"

16 Sentyabr, 2019
Talibanın iki qubernatoru öldürülüb
16 Sentyabr, 2019
Husilər Səudiyyə Ərəbistanına xəbərdarlıq edib
16 Sentyabr, 2019
Adnan Oktarın məhkəməsi başlayır
16 Sentyabr, 2019

Bəs nə üçün Çaldıran şəhidlərinə ağlamırıq? Nəzər nöqtəsi

16 Sentyabr, 2019

Suriya-Türkiyə sərhədində terror, çox sayda ölü

16 Sentyabr, 2019

“Azərbaycan şəhidlik məktəbində Kərbala hadisəsinin rolu”

16 Sentyabr, 2019

Müsafir olduğu üçün namazı qəsrlə qılan şəxsin namazı bütöv qılan şəxsə iqtida etməsi düzgündürmü? İslam suallarda

16 Sentyabr, 2019
Tramp Səudiyyəyə hücumlardan sonra ABŞ-ın ehtiyat neftindən istifadəyə icazə verib
16 Sentyabr, 2019
Azərbaycan Ordusunun genişmiqyaslı təlimləri başlayıb
14 Sentyabr, 2019

Səudiyyədə neft təsisatlarının PUA-larla vurulması nəticəsində yanğınlar baş verib

14 Sentyabr, 2019

Mərsiyələrdə rast gəlinən “72 şəhid” ifadəsinin əsası nədir? İslam suallarda

14 Sentyabr, 2019
Əfqanıstanda İŞİD liderlərindən biri öldürülüb
14 Sentyabr, 2019
İsrail hərbçiləri ilə toqquşmalarda 55 fələstinli xəsarət alıb
13 Sentyabr, 2019

Rüşvət tələb edən məmurlar güllələnəcək

13 Sentyabr, 2019

Hindistanda ildırım düşməsindən 9 nəfər ölüb

13 Sentyabr, 2019

“İnsan xoşbəxt olmağa, ləzzət almağa ehtiyaclıdır” - Hacı Şahin

XƏBƏRARXİVİ
«Sen.2019
Be.Ça.Çə.Ca.Cü.Şə.Ba.
      1
2345678
9101112131415
16171819202122
23242526272829
30      
© 2019 Saytın materiallarından istifadə edərkən xahiş edirik www.ISLAM.az saytına istinad edəsiniz.
Copyright 2002-2016, Dini Araşdırmalar Mərkəzi, Bütün hüquqlar qorunur www.islam.az
Arzu və istəkləriniz üçün admin@islam.az
  SpyLOG Saytı düzəldib: 313wb.com