Savaş meydanında mübahilə. Kərbəladan səhnələr - 1

“Mən öz səhabələrimdən daha yaxşı səhabə, öz qohumlarımdan daha sədaqətli qohum görmədim.

Allah onlara, məni müdafiə etdiklərinə görə xeyirli aqibət versin!”

İmam Hüseyn (ə)

Kərbəla faciəsi İslam tarixinin ən mühüm və mənalı hadisələrindəndir. Cəmi bir neçə saat ərzində baş verməsinə baxmayaraq, bu hadisə həm dərin fəlsəfi mənası, həm də süjet zənginliyi etibarilə əsrlərə bərabərdir. Aşuranın hər bir anı ibrətamiz səhnələrdən ibarətdir. Tarixin bu böyük faciə səhnəsində iştirak edən hər obraz, hər şəhid bütöv bir aləmdir.

Kərbəla şəhidləri öz qiymətli həyatlarını düşmən qılıncları altında başa vuraraq məzlumluqla həlak olduqları kimi, onların ruhları da müəyyən mənada tarixin unutqanlığına məruz qalaraq zülmə uğramışdır. Bunu demək kifayətdir ki, Azərbaycan müsəlmanlarının əksəriyyətindən Kərbəla qiyamının iştirakçılarının adını soruşsaq, yalnız bir neçə nəfər Haşimi şəhidinin adını çəkə bilir, mərsiyələrdən onlara adı yaxşı tanış olan Həzrət Abbas, Əli Əkbər, Əli Əsğər və Qasimi xatırlayır, ən yaxşı halda Həbib ibn Müzahirlə Hürrün adlarını dilə gətirməyə qadir olurlar. Halbuki, aşura şəhidlərinin hər biri tarixlərə dərs verə biləcək şücaət və mərdlik sahibi olmuşlar və onların adının dillərdə əzbər olması sadəcə olaraq, ruhlarının haqqıdır.

Diqqətinizə təqdim olunan silsilə yazılarda qanlı Kərbəla qiyamında İmam Hüseynin (ə) hüzurunda vuruşaraq, şəhadətə nail olmuş bəzi şəxslərin haqqında məlumat veriləcək. Bu məqalələrdə aşura şəhidləri ilə bağlı maraqlı və ibrətamiz hadisələri oxuyacaq, Kərbəlada baş verənlər barədə bilmədiyiniz məqamları öyrənəcəksiniz.

1. Əmi ilə qardaşoğlunun savaşı

Aşura şəhidlərindən olan Haris ibn İmrəül-Qeys Kindi əvvəlcə Ömər ibn Sədin qoşununda olmuş, sonra üç nəfərlə birlikdə İmam Hüseynin (ə) tərəfinə keçmişdi. Ümumiyyətlə, şəhidlərin bir qismi Kərbəlaya düşmən qoşununun tərkibində gəlmişdi. Onlar təkbaşına mühasirəni yarıb İmamın xidmətinə yetə bilməyəcəklərini başa düşdükləri üçün fənd işlətmiş və əks tərəfə qoşulmuşdular. Artıq aşuraya kimi onların bir hissəsi İmamın düşərgəsinə keçə bilmişdi. Aşura gecəsində isə 32 nəfərdən ibarət olan bir dəstə düşmən tərəfdən ayrılıb özünü İmama yetirdi.

Haris aşura günündə döyüş meydanında əmisi ilə qarşılaşdı. Əmisi: “İndi öz doğma əmini öldürəcəksənmi?” – deyə soruşanda Ha¬ris: “Sən mənim əmimsən, amma Allah mənim rəbbimdir” – cavabını verib, onu cəhənnəmə vasil etdi.

2. Ölümqabağı zarafat edən şəhidlər

Əbdürrəhman ibn Əbdi-rəbbih Ənsari Həzrət Mühəmməd Peyğəmbərin (s) səhabələrindən idi. Həzrət Əli (ə) xəlifə seçildikdən sonra Kufə yaxınlığındakı Rəhbə adlı məntəqədə səhabələr qarşısında çıxış edərək onlara and vermişdi ki, Qədir-Xüm hədisini Peyğəmbərdən eşidiblərsə, şəhadət versinlər. Səhabələrdən bir neçəsi (rəvayətlərdə onların sayının 30 nəfərə çatdığı yazılır) ayağa qalxıb Peyğəmbərin dilindən: “Mən hər kimin mövlasıyamsa, Əli də onun mövlasıdır” – hədisini eşitdiklərini təsdiq etdilər. Əbdürrəhman da bunlardan idi. Rəvayətə görə, o, Quran oxumağı Həzrət Əlidən (ə) öyrənmişdi.

Əbdürrəhman Müslimin qiyamı zamanı Kufədə camaatdan beyət toplayırdı. O, Məkkədə İmam Hüseynə (ə) qoşulmuş, Onunla birlikdə Kərbəlaya gəlmişdi.

Aşura gecəsi İmam Hüseyn (ə) çadırların birində yuyundu, bədəninə nurə çəkib təmizləndi. Bu zaman səhabələrdən ikisi – Əbdürrəhmanla Büreyr çadırın girişində durub keşik çəkirdilər. Büreyr həmin vaxt Əbdürrəhmanla zarafat etməyə başladı. Zəhmli xasiyyətə malik Əbdürrəhman etiraz edib Büreyrə söylədi ki, zarafatın yeri deyil. Büreyr isə ona belə cavab verdi: “Ey Əbdürrəhman, məni tanıyanlar bilirlər ki, mən nə cavanlıqda, nə də indi (ahıl vaxımda) şit zarafat etməyi xoşlamamışam. Amma bu gün sevincimin həddi-hüdudu yoxdur. Çünki bir azdan sonra şəhid olub Allahın mükafatlarını qazanacağıq. Buna görə səninlə zarafat etməyi özümə rəva bildim”.

3. Savaş meydanında mübahilə

Yuxarıdakı əhvalatda adı çəkilən Büreyr ibn Xüzeyr Həmdani vaxtilə İmam Əlinin (ə) tərəfdarlarından olmuşdu, abid, zahid, Quran bilicisi kimi tanınırdı. Kufə məscidində Quran qiraətindən dərs deyirdi. Ona “Seyyidül-qüra” (Quran oxuyanların başçısı) deyirdilər. Büreyr Kufədən Məkkəyə gəlib, İmama qoşulmuş və onu Kərbəlaya kimi müşayiət etmişdi.

Aşura günündə Büreyr döyüş meydanına girib rəqib çağırdı. Qarşı tərəfdən Yezid ibn Məqil adlı döyüşçü irəli gəlib, savaşa hazır olduğunu bildirdi. Hər iki tərəf özünün haqq olduğunu söyləyib digərini inandırmağa çalışsa da, faydası olmadı. Nəhayət, Büreyr çıxış yolu kimi mübahiləni təklif etdi. Mübahilədə hər iki tərəf Allaha dua edib, qarşı tərəfi qarğışlayır. Tezliklə Allah batil olan tərəfə bəla göndərib, haqqı üzə çıxarır. Həzrət Mühəmməd Peyğəmbərin (s) Nəcran xristianları ilə mübahilə etməsi və bu münasibətlə Ali-İmran surəsinin 61-ci ayəsinin nazil olması məlum və məşhur hadisədir. Büreyrlə Yezid ibn Məqil mübahilə etdilər ki, onların təkbətək döyüşündə haqlı olan qalib gəlsin. Sonra bu iki nəfərin çarpışması başladı. Qısa müddət ərzində Büreyr öz rəqibini cəhənnəmə göndərib, haqq yolda olduğunu sübuta yetirdi. Ömər ibn Sədin ordusundan bir neçə nəfər Büreyrin üstünə şığıdı. Büreyr onlardan birini yerə yıxıb, sinəsinə çökdü, onu öldürmək istəyəndə kənardan atılmış bir nizə kürəyinə saplandı. Bu ahıl yaşlı alim və abid insanı xainliklə qətlə yetirdilər.



Yerləşdirilib:4 Oktyabr, 2018  13:44, ]]>Çap]]>
 
Bu bölmədə:

Adınız |
Mətn
Captcha
|
Captcha
SONXƏBƏRLƏR
24 May, 2019

Prezident dini qurumlara maliyyə yardımı ayırdı

24 May, 2019
Kabildə məsciddə partlayış baş verib
24 May, 2019
Pakistanda cümə namazına hücum edilib, ölənlər var
24 May, 2019
Tacikistanda şiə alimlərin başı kəsilib
24 May, 2019
Hindistan İran neftinin idxalını tamamilə dayandırıb
24 May, 2019
BMT İraqda 12 kütləvi məzarlıq aşkarlayıb
24 May, 2019

Tramp: "İraqa hücum etmək lazım deyildi"

24 May, 2019

Ruhani: "İranı bombardman etsələr, təslim olmayacağıq"

24 May, 2019

Orucluq zamanı bədənə ağrıkəsici iynə vurdurmaq, qadınlara aid və yaxud bağırsaq şamları qoymaq olarmı? İslam suallarda

24 May, 2019
Suriyada silahlı dəstə ordunun zabitlərini əsir götürüb
24 May, 2019

Bu gün, mayın 24-ü, ehtimal edilən birinci Qədr gecəsidir

23 May, 2019

Prezident iftar mərasimində iştirak edib

23 May, 2019

Əhməd Davudoğlu imam Əlinin (ə) göstərişinə uyğun davrandı

23 May, 2019

Səudiyyə Ərəbistanında ilahiyyatçılar edam olunacaq

23 May, 2019
Zelenski Rusiya ilə dialoq aparmayacaq
23 May, 2019
Pakistan yeni nüvə raketini sınaqdan keçirib
23 May, 2019

Qədr gecəsi necə dua edək? Redaktordan

23 May, 2019

Səudiyyə koalisiyasının öldürdüyü yəmənlilərin sayı açıqlanıb

23 May, 2019

Ramazan ayında cənabət qüslü almağı unudan və bu halda oruc tutan, lakin gün ərzində bunu xatırlayan şəxsin orucu düzgündürmü? İslam suallarda

23 May, 2019
Fələstinin bütün cinahları ABŞ-ın Bəhreyn toplantısını boykot ediblər
23 May, 2019

BMT: Azərbaycanda kişilərin 32,5 faizi qadınlara qarşı zorakılıq törədir

22 May, 2019

Qədr gecəsi hansı gecədir?

22 May, 2019
İran beynəlxalq sulara əlavə hərbi gəmilər göndərir
22 May, 2019

İndoneziyada qanlı toqquşmalar: altı ölü

22 May, 2019

QMİ: Zəvvarları Həcc ziyarətinə aparmaq üçün AZAL 6 təyyarə ayırıb

22 May, 2019

Buker Mükafatının builki qalibi müsəlman qadın oldu

22 May, 2019

Quranda adı çəkilən Yəcuc-Məcuc səddi harada yerləşir? İslam suallarda

22 May, 2019
ABŞ Türkiyəyə iki həftə vaxt verib
XƏBƏRARXİVİ
«May.2019
Be.Ça.Çə.Ca.Cü.Şə.Ba.
  12345
6789101112
13141516171819
20212223242526
2728293031  
© 2019 Saytın materiallarından istifadə edərkən xahiş edirik www.ISLAM.az saytına istinad edəsiniz.
Copyright 2002-2016, Dini Araşdırmalar Mərkəzi, Bütün hüquqlar qorunur www.islam.az
Arzu və istəkləriniz üçün admin@islam.az
  SpyLOG Saytı düzəldib: 313wb.com