“Fazil Mustafa “maarifçilik” adı ilə inanc sistemini təhqir edir” – Elçin Əsgərovdan deputata cavab

“Bu hərəkətlərin məqsədi dini cameəni qarışdırmaq və ölkələr arasında süni gərginliklər yaratmaqdır”.

İslam.az-ın verdiyi məlumata görə, bu fikirləri Yenicag.az-a açıqlamasında millət vəkili Fazil Mustafanın Dini Qurumlarla iş üzrə Dövlət Komitəsinin sabiq sədri Elşad İskəndərova yönəlik tənqidi fikirlərinə münasibət bildirən İslam Əməkdaşlıq Təşkilatı (İƏT) Gənclər Forumunun (İKGF) Bakıda yerləşən Avrasiya Regional Mərkəzinin direktoru Elçin Əsgərov deyib.

Əsgərovun fikrincə, Fazil Mustafanın Elşad İskəndərovun ünvanına səsləndirdiyi ittihamlar tam əsassızdır və cəmiyyətdə qarışıqlıq salmağa hesablanıb:

“Hesab edirəm ki, məsələnin ictimai mahiyyəti ilə bağlı Elşad müəllim öz statusunda Fazil Mustafanın böhtanlarına əsaslı və birmənalı şəkildə cavab verib.

Əvvəla, Elşad İskəndərovu “məlum şəbəkə” və başqa bu kimi işarələrin adı ilə guya İrana bağlı olmaqda ittiham etmək cəhdi qərəzli olmaqdan daha çox gülüncdür. Bunu deyən Fazil Mustafa da bilir ki, bu, belə deyil.

Amma açıqlamalarında etikaya uyğun olmayan tərzdə böyük bir kəsimin inanclarına toxunmasının sərt ictimai reaksiya doğurduğunu görərək indi mövzunu başqa istiqamətə yönəltmək istəyir ki, guya bu qəhrəmanlıq edib, üstünə isə hansısa xarici şəbəkə gəlir. Biz son iki gündə Elşad müəllimin səhifəsində onun mövqeyinə verilən dəstəkləri gördük.

Burada inanclı vətəndaşlarla yanaşı, böyük əksəriyyəti xüsusi dindarlıqla əlaqəli olmayanlar, ümumiyyətlə dünyəvi insanlar da var, Babək heyranlı istiqlalçı ruhlu insan da, Şah İsmayıla “şah babam” deyən böyük Azərbaycan düşüncəli milliyətçi də, insanların inancına həqarəti qəbul etməyən liberal düşüncəli insanlarımız da var.

Bunların hamısını da bir araya gətirən hansısa mifik şəbəkə deyil, məhz Fazil Mustafanın insanların dini hisslərinə qarşı davamlı aşağılayıcı mövqeyidi. O ki qaldı xarici təsirlərlə mübarizəyə, Fazil Mustafanın İranın adını belə çəkməkdən ehtiyatlandığını nəzərə alaraq, onu guya “kəskin tənqid” etməyində nə qədər səmimi olduğunu deyə bilmərəm.

Amma Elşad İskəndərovun DQİDK sədri olarkən, 2013-cü il prezident seçkiləri ərəfəsində İran təhsilli bəzi dini radikallar tərəfindən dindarları radikal müxalifətə, konkret Milli Şura tərəfə çəkməyə, müxalifətin düşərgəsinə qatılmağa, bununla da ölkədə gərginliyi artırmağa yönəlik cəhdlərin qarşısını almaq üçün hansı addımlar atdığını və bu cəhdlərin qarşısını uğurla aldığını, dindar vətəndaşlarımızda dövlətə etimadın yüksəldilməsi üçün nələr etdiyini, həmin dini qruplar tərəfindən buna görə “din düşməni” elan edildiyini o zaman dini durumdan xəbəri olan hamı bilir.

Eynilə, şahidi olduğum, bəzən İƏT beynəlxalq tədbirləri çərçivəsində Azərbaycanın milli maraqlarına aid məsələlər müzakirə olunarkən, yanlış mövqe göstərən İran nümayəndələrinin öz mövqelərini dəyişməsi üçün göstərdiyi kəskin mövqe halları da var.

Amma o da bəllidir ki, FETÖ hər zaman Azərbaycanın yaxın qonşuları – Rusiya və İranla, hətta qardaş Türkiyənin indiki iqtidarı ilə münasibətlərin gərginliyi istiqamətində iş aparıb. Bunu etməkdə isə ən təxribatçı üslub zaman-zaman dini cameəni qarışdırmaq, ölkələr arasında süni gərginliklər yaratmaqdır ki, Fazil bəy istəsə də, istəməsə də, sərgilədiyi mövqe buna oxşayır.

Elşad İskəndərovun uzunmüddətli “susqunluqdan” sonra meydana çıxması fikri də həqiqətə uyğun deyil. İƏT Gənclər Forumu son 4 ildə, İƏT-ə üzv ölkələrdə, o cümlədən Azərbaycanda, 100-dən çox beynəlxalq tədbir keçirib ki, bu barədə mətbuatda kifayət qədər məlumat tapa bilərlər. Bu, əməli işdir, sosial şəbəkələrdə status yazmaq deyil.

Onu da qeyd edim ki, bu məsələləri şəxsi və ya konspiroloji müstəviyə keçirməklə əsas hədəfdən yayındırmaq lazım deyil. Söhbət nə İrandan, nə Turandan, nə sırf ağlamaq mədəniyyətini tərənnüm etməkdən, nə ifrata varan mərsiyəxanları müdafiədən getmir.

Bu, Fazil Mustafa tərəfindən birinci dəfə olan hal deyildi ki, məsələni konkret situasiyaya bağlayıb oradan nəticə çıxaraq. Fakt ondan ibarətdir ki, Fazil bəyin uzun müddətdir “maarifçilik” adı ilə etdiyi hücumlarda konkret inanc sistemi aşağılanır və təhqir olunur.

İnanın, əgər həqiqətən, məqsəd yalnız xurafatla mübarizədən getsəydi, bu gün onu tənqid edənlərin çoxu, onu müdafiə edərdi. Xurafat və mövhumata, elə o Aşura mərasimlərinin ifrat və təhriflərinə qarşı onlarla kitab, məqalə yazılır, maarifləndirmə işi aparılır. Hansına qarşı belə təpki var ki? Əksinə, din xadimlərimiz də dəstəkləyir.

Onun da ötəsində guya “İslama yad” simvollarla mübarizə adı altında Azərbaycan milli kimliyinin sütunları olan simalar – istər Şah İsmayıl olsun, istər Babək – onları dağıtmaqla məşğuldur”.

Məsələnin digər tərəfi odur ki, Azərbaycanda dini sülh və barış heç kimin dini inanclarını təhqir etməkdən keçmir – nə çoxluğun, nə azlığın. Əsl millətçilik, dövlətçilik və əsl vətəndaşlıq bu köklü təhlükələri önləməkdir.



Yerləşdirilib:14 İyun, 2018  21:26, ]]>Çap]]>
 
Bu bölmədə:

Adınız |
Mətn
Captcha
|
Captcha
SONXƏBƏRLƏR
22 Yanvar, 2019
Türkiyədə daha 103 nəfər FETÖ ittihamı ilə saxlanılıb
22 Yanvar, 2019
Misir ordusu hesabat verdi
22 Yanvar, 2019

Afrikada stadiona düşən ildırım futbolçuları öldürdü

22 Yanvar, 2019
Ərdoğandan Suriya ilə bağlı vacib bəyanat
22 Yanvar, 2019

Məğrib namazı Günəş batanda qılınır yoxsa bir qədər gec? İslam suallarda

22 Yanvar, 2019
Azərbaycanda zəlzələ olub
22 Yanvar, 2019
Pakistanda "Taliban"ın qurucusunun oğlu öldürülüb
21 Yanvar, 2019

Netanyahu: İsrail istənilən təcavüzkarın cavabını verməyə hazırdır

21 Yanvar, 2019

Suriyada ABŞ hərbçilərinə hücum olub, 5 nəfər ölüb

21 Yanvar, 2019
Pakistanda polis günahsız ailəni güllələdi
21 Yanvar, 2019

Rusiya İdlibə zərbə endirdi, ölən və yaralananlar var

21 Yanvar, 2019

İsrail Suriyaya misli görünməmiş zərbələr endirdi Video

21 Yanvar, 2019
Malidə BMT-nin 8 sülhməramlısı öldürülüb
21 Yanvar, 2019

Həzrət Mühəmməd Peyğəmbərdən (s) əvvəlki peyğəmbərlərin dini nə olub? İslam suallarda

21 Yanvar, 2019

Dünyada milyarderlərin sayı son on ildə 2 dəfə artıb

21 Yanvar, 2019

Azərbaycanda Ay tutulması müşahidə olunub Video

20 Yanvar, 2019

Azərbaycanda Ümumxalq Hüzn Günüdür

19 Yanvar, 2019

İlin ilk Ay tutulması baş verəcək: ayət namazı qılınacaq

19 Yanvar, 2019

Liviya sahillərində azı 14 miqrant itkin düşüb

19 Yanvar, 2019

Peyğəmbərimiz (s) meraca haradan, yəni kimin evindən getmişdir? İslam suallarda

19 Yanvar, 2019

Bu gecə Əyyami-Fatimiyyə daxil olur

19 Yanvar, 2019

Liviyada silahlı toqquşma nəticəsində 13 nəfər ölüb

18 Yanvar, 2019
Türkiyədə FETÖ-çulara qarşı yeni əməliyyat
18 Yanvar, 2019

Ərəb Ölkələri Liqası: "Əsədi dəvət etməmişik"

18 Yanvar, 2019

20 Yanvar şəhidlərinin xatirəsinə həsr edilmiş Quran gecəsi keçiriləcək

18 Yanvar, 2019
Yer kürəsi asteroidlə toqquşa bilər
18 Yanvar, 2019
Rusiyada iki qırıcı toqquşdu
18 Yanvar, 2019
Ər-Riyaddan ABŞ-ı qəzəbləndirəcək qərar
XƏBƏRARXİVİ
«Yan.2019
Be.Ça.Çə.Ca.Cü.Şə.Ba.
 123456
78910111213
14151617181920
21222324252627
28293031   
© 2019 Saytın materiallarından istifadə edərkən xahiş edirik www.ISLAM.az saytına istinad edəsiniz.
Copyright 2002-2016, Dini Araşdırmalar Mərkəzi, Bütün hüquqlar qorunur www.islam.az
Arzu və istəkləriniz üçün admin@islam.az
  SpyLOG Saytı düzəldib: 313wb.com