İlqar Kamildən millət vəkilinə: "Haranız ağrıyır, Fazil bəy?"

Deputat Fazil Mustafanın sosial şəbəkədə Kərbəla şəhidlərinin əzadarlığı ilə bağlı paylaşdığı fikirlər qalmaqallara və sosial gərginliyə səbəb olub. Bununla bağlı gənc şair İlqar Kamil Facebook sosial şəbəkəsindəki profilində F.Mustafaya ünvanlanmış "Günəş belə etməzdi - Fazil Mustafaya!" adlı yazı paylaşıb. İlqar Kamilin həmin yazısını təqdim edirik:

"Hörmətli Fazil bəy, neçə gündü məlum olaylarla bağlı sizin açıqlamalarınızı izləyirəm, əziz atalarımız demiş, avazınız yaxşı gəlir, amma oxuduğunuz, çox təəssüf ki, Quran deyil. Barı milli nəsə bir şey oxusaydınız...

..Biz nə mərifətdə, nə savadda, nə ədəbdə, nə ərkanda, nə insafda, nə şücaətdə, nə də azərbaycanlılıqda cümhuriyyət qurucularının tayı deyilik.., yəni biz o irsi qoruya bilməmişik.. Siz də lütfən razılaşın, bəli, biz o irsə tam sahib çıxa bilməmişik, o boyda işlər görməsinə rəğmən xalqına ömrünün sonunacan yalnız "uca millət" deyə müraciət edən Rəsulzadədən fərqli olaraq, beş dənə kitab oxuyub, ikisini də yazan kimi düşünürük ki, vəssəlam, bu yazıq xalqa nə istəsək, deyə bilərik. Qaşlarımızı çatır, yumruğumuzu düyünləyir, deyirik, söyürük, danlayırıq... bu nə hikkə, qardaşım, adam heç doğma balasıyla bu qədər rahat ola bilmir.

"İşıq qəfil yandı, qaranlığın bağrı yarıldı.

Günəş belə etməzdi".

Sizi kənardan izlədikcə adam az qala bu qənaətə gəlir ki, dərdiniz, iddia etdiyiniz kimi, əzadarlıqlardakı səs-küy, ağlaşma-filan deyil, ifrat aqressiyanız sözünün mustafasını deyə bilməyən qəzəbli bir adamı xatırladır, adama elə gəlir, sizi narahat edən bir başa Aşuranın özüdür, amma sonra deyirsən, yox, əşşi, ola bilməz, Aşura yalnız vicdansız adamı narahat edə bilər, Fazil bəyi niyə narahat etsin ki? Aşura yalnız zalımı qorxuda bilər, Fazil bəy hara, zülm hara? Haqq yalnız batili incidə bilər, Fazil bəy, axı, həqiqət çarçısıdı. Günəş yalnız zülmətin canına xof sala bilər, Fazil bəy, axı, bu xalqın aydınıdı...

İstər şəhid Mübariz İbrahimovdan, istər o böyük şəhidlərin ehtişamlı Aşura hərəkatından dünyanın harasında, kimə danışırsan heyrətdən sayqı şapkası çıxarır, istəsəniz gedin yoxlayın, bir sadə fransıza, bir ispana, bir almana, bir rusa... lap elə Marsda həyat axtaran İlon Maskın özünə danışın bu haqda, görün necə vəcdə gələcək ruhları, necə təsirlənəcək, necə sayqı duyacaqlar...

Oğlunuza başqa mədəniyyətlərə, kültürlərə sayğılı yanaşma düşüncəsini aşılamanızı təqdir edirəm, fəqət bəs öz kültürümüzün günahı nədir? Fazil bəy, açıq deyin, sizi bu kültürümüzdə narahat edən şey nədir? Səs-küymü? Elə isə, bu səs-küyü yatırtmaqçün qaldırdığınız hay-həşir, inciməyin, daha çox baş ağrıdıcıdır.

Hər şeyə Qurandan əsas istəyən hörmətli Fazil bəy, bəs sizin fikirlərinizi bölüşməyən hər kəsə bir təhqiramiz yarlıq yapışdırmağın necə, ayəsini göstərə bilərsiniz? Xeyr, bu, Quran əxlaqı deyil, heç Rəsulzadə əxlaqı da deyil, yadıma gələn Lenin belə deyirdi: bizdən olmayan bizim düşmənimizdir!

Freyd bizim milli deyimimiz olan "eşşəyə gücü çatmır, palanı döyür" məsələsini "смещение" adlandırırdı, sən demə, təhtəl-şüurumuzun bizi qorumaqçün belə bir maraqlı mexanizmi varmış, adam, məsələn, kobud müdirinə bir söz deyə bilməyəndə gəlib evdə uşağını çırpışdırmaqla da sakitləşə bilirmiş. Yadımdadı, ətrafındakı zalımlara bir söz deməyə cəsarəti çatmayan adamların dönüb-durub Allaha daş atmasını da belə izah etmişdim: əsəbidirlər, gərgindirlər, narahatdırlar, qəzəblərini kiməsə boşaltmalıdırlar axı, zalıma zalımsan deyib işə salsınlar özlərini? Bəs nə etsinlər, necə etsinlər, ürəkləri partlayar axı, odur, sakitləşməkçün ən yaxşı ünvan, söyənlərini belə sevəcək qədər böyük olan mehriban Allahdır!

Yəni, hörmətli millət vəkilimiz, mən sizdəki bu aqressiyanın da əsl qaynağını, mənşəyini, səbəbini anlamağa çalışıram, siz müsəlmansınız, siz ziyalısınız, siz Aşuraya qarşı ola bilməzsiniz, yox, məsələ başqadır, odur, bir qardaş kimi bütün səmimiyyətimlə o məşhur sualı soruşmağa məcburam:

Haranız ağrıyır, Fazil bəy?"



Yerləşdirilib:13 İyun, 2018  14:01, ]]>Çap]]>
 
Bu bölmədə:

Adınız |
Mətn
Captcha
|
Captcha
SONXƏBƏRLƏR
16 Fevral, 2019
Trampın keçmiş müşavirinin “WikiLeaks”lə əlaqəsi olub
16 Fevral, 2019

İŞİD silahlıları İraqda dinc sakinləri oğurlayıb

16 Fevral, 2019

Ərdoğan: "Aİ Türkiyəni müsəlman ölkəsi olduğuna görə qəbul etmir"

16 Fevral, 2019

Qüsl alan zaman baş və boyun yuyulduqdan sonra dərhal bədənin sağ və sol tərəfini yumağa başlamaq lazımdır? İslam suallarda

16 Fevral, 2019
Nigeriyada silahlıların hücumu zamanı 66 nəfər öldürülüb
16 Fevral, 2019
Şamaxıda yenidən vulkan püskürüb
15 Fevral, 2019

Putin: Dünyada tam müstəqil dövlət yoxdur

15 Fevral, 2019

Səddam Hüseynin ailəsi İraqdan necə qaçdı? Nəvəsindən etiraflar

15 Fevral, 2019
Komitə sədri nikahsız kəbin kəsən mollaların cəzalandırılmasını istədi
15 Fevral, 2019

Səudiyyə Ərəbistanı ABŞ və Kanadada cinayət törətmiş vətəndaşlarını bu ölkələrdən qaçırıb

15 Fevral, 2019
FTX İŞİD-in gizli özəyinin təşkilatçılarından birini saxlayıb
15 Fevral, 2019

Namazı şiə (cəfəri) məzhəbinə uyğun şəkildə, amma möhürsüz qılmaq nə dərəcədə düzgündür? İslam suallarda

15 Fevral, 2019
Ərdoğandan Suriya ilə bağlı vacib bəyanat
15 Fevral, 2019
Tramp ABŞ-da fövqəladə vəziyyət elan edəcək
14 Fevral, 2019
Türkiyədə İŞİD-ə üzv olmaqla şübhəli bilinən Suriya vətəndaşları saxlanılıb
14 Fevral, 2019

Madurodan ABŞ-a ittiham: göndərdiyi humanitar yardım zəhərlidir

14 Fevral, 2019
Putin, Ərdoğan və Ruhani Soçidə Suriya problemini müzakirə edəcək
14 Fevral, 2019

Qurandakı "səhvlər": 2. Quranda İmran "müəmması" Video

14 Fevral, 2019

Eyni mal onlayn mağazada fərqli qiymətlərlə yerləşdirilərsə və müştəriyə də fərqli qiymətlərlə satılarsa, bu cür ticarət halaldırmı? İslam suallarda

14 Fevral, 2019
ABŞ Rusiyaya qarşı yeni sanksiyalara hazırlaşır
14 Fevral, 2019

İranda terror aktı: onlarla ölü

13 Fevral, 2019
Cammu və Kəşmirdə partlayış baş verib
13 Fevral, 2019

İƏT ölkələrinin Gənclərlə iş üzrə İlk Fəaliyyət Planı qəbul edildi

13 Fevral, 2019
ABŞ-ın dövlət borcu tarixi rekorda çatdı
13 Fevral, 2019

Şahzadənin davranışı narazılıqla qarşılandı Video

13 Fevral, 2019

Dərisini soyunan Nəsimiyə biz kürkümüzü geyindirmək istəyirik - Nəsimişünas

13 Fevral, 2019

Vəsiyyət Hekayə

13 Fevral, 2019
Almaniyada azərbaycanlılar ilə qaradərililər arasında kütləvi dava baş verib
XƏBƏRARXİVİ
«Fev.2019
Be.Ça.Çə.Ca.Cü.Şə.Ba.
    123
45678910
11121314151617
18192021222324
25262728   
© 2019 Saytın materiallarından istifadə edərkən xahiş edirik www.ISLAM.az saytına istinad edəsiniz.
Copyright 2002-2016, Dini Araşdırmalar Mərkəzi, Bütün hüquqlar qorunur www.islam.az
Arzu və istəkləriniz üçün admin@islam.az
  SpyLOG Saytı düzəldib: 313wb.com