Milləti bəyənmirsənsə, ona necə vəkil ola bilərsən?

Millətə, xalqa, azərbaycanlılara vəkillik etməklə vəzifələndirilən şəxs – millət vəkili. O, hansı xüsusuiyyətlərə malik olmalıdır, hansı sifətləri özündə ehtiva etməlidir? Yəqin ki, hər kəsin çoxsaylı cavab variantları var. Amma bir variant danılmaz, inkaredilməz, hətta deyərdik ki, aksiom hökmündədir. Millətə vəkillik etmək istəyən bu milləti sevməlidir, ona, milli-mənəvi dəyərlərinə hörmət etməlidir. İndi təsəvvür edin ki, azərbaycanlıların bir millət vəkili belə fikir söyləyir: "Bu da azərbaycanlıların ənənəvi dini. 500 il, 300 il, 100 il öncə yaşananlarla bu gün yaşananların fərqini görməzsiniz. Bu dinin adına Azərbaycanda İslam deyirlər”. Bu fikrə istehza da deyə bilərik, rişxənd də, kinayə də. Amma mətləb dəyişməyəcək. Millətin vəkili özündə ehtiva etməli artıq qeyd etdiyimiz xüsusiyyətə nəinki malik deyil, hətta özündə onun tam əksini, ona tərs mütənasib olanını cəmləyib.

Millətimizin vəkili deyir ki, "Bu da azərbaycanlıların ənənəvi dini”. Sual vermir – “ənənəvi dindirmi bu?”. İddia edir ki, bu – elə bizim ənənəvi dinimizdir. Dolayısı ilə elə onun da dinidir. Çünki adam iddia edir ki, AZƏRBAYCANLIDIR. Əgər əksi olsaydı, bizə hansı əsasla vəkillik edir? Yəni adam tam əmindir ki, “bu azərbaycanlıların ənənəvi dinidir”. Və... buna da rişxənd edir!? Yaxşı. O zaman artıq verdiyimiz sual növbəti dəfə çıxır meydana: əgər sən bu milləti bəyənmirsənsə, hələ durub rişxənd edirsənsə, sən bu millətə necə vəkillik edə bilərsən? Millət budur. Sən seçkilərdə namizədliyini irəli sürəndə də elə belə idi, heç dəyişməyib. Yaxşı, bəs bəyənmədiyin millətə vəkillik etmək hansı məntiqə, hansı ağıla, hansı vicdana uyğundur? Gedib başqa, bəyəndiyin millətə, xalqa vəkillik etmək üçün çalışmaq daha düzgün olmazdımı? Məsələn, Afrikanın hansısa qəbiləsinin etimadını qazanmağa çalışardın və yaxud... O qədər variant var ki! Banqladeş, Surinam, Madaqaskar, Cibuti... İmkan verərdin bu milləti sevən, onu bəyənən, ona kinayə ilə yanaşmayan bir başqası alardı da o mandatı! Axı bu xalqa onun daha çox xeyri dəyərdi!..

Sonra bu millətə vəkillik iddiasında olan yazır ki, “500 il, 300 il, 100 il öncə yaşananlarla bu gün yaşananların fərqini görməzsiniz”. Əcəb! Cınqırığını çıxarmağa məəttəlsən ki, “din polisləri” tökülür: “Bidət!”, “Şirk!”. Bəs, yaxşı, neyləməliyik? Əcəba, millətin vəkili nə fərqi axtarır? Bəli, 500 il əvvəl də belə olub, hələ ona qədər dünyanın sonu gəlməsə, 500 il sonra da belə olacaq. Nə yenilik görmək istəyir millətin vəkili? (Hərçənd, belə istəklərə bəraət qazandırmasaq da, anlayırıq: adamın dindən anlayışı yoxdur. Özü də anlamır ki, bu “dini novatorluqları” qaynaqçının “onsuz da orda da kəsib calayırlar da” iddiası ilə özünü tibbə, orqan köçürülməsi əməliyyatlarına sırıması kimi bir şeydir). Bəlkə namaz qılanda əlimizi cibimizə qoyaq? Hə? Niyə də yox?! Adam deyir məzhəbim yoxdur, bəlkə elə özü əli cibində namaz qılır, bəyənmədiyi “cahil” azərbaycanlıları da buna səsləyir? Ya bəlkə Ramazan orucunu günaşırı tutaq? Nə qədər olar e? Bu hətta 500 il deyil, 1400 ildir davam edir! Ya da ki, vəhhabilərin Suriyada, İraqda “icad” etdikləri edam növlərini praktikada tətbiq edək. Məsələn, əsirləri elektrik mişarla doğrayaq, turşu vannasında əridək, boğazlarına qumbara bağlayıb partladaq, qumbaraatanla vuraq (yeri gəlmişkən, millətin vəkilinin şəxsi FB səhifəsində onun paylaşmalarını bəyənənlər və rəy yazanlar arasında belə təfəkkürdə olan radikallar da var. Millətin vəkilinə dəstək verir, imkanları olacağı təqdirdə onun da düşmən gördüyü bu xalqın böyük hissəsinin “kökünü kəsəcəkləri” ilə hədələyirlər).

Sonda isə millətin vəkilinin “Bu dinin adına Azərbaycanda İslam deyirlər” iddiası. Bəli. Bura Azərbaycandır. Biz buyuq, bu da bizik. Amma bu günə qədər heç kimi bizim kimi olmağa məcbur etməmişik. 500 il, 300 il, 100 il öncə də, dünən də hər kəs öz dinini istədiyi kimi yaşayıb bu yurdda. Heç kim də gəlib burnunu onun işinə soxmayıb. Bu gün də belədir. Bəli, bəzi qüvvələr çox çalışır ki, sabah belə olmasın. Fitnə salır, təfriqə yaradır, məzhəb söhbətini atır ortaya. Özünü ağıllı və aydın, millətini isə axmaq və cahil sanır. Daha anlamır ki, hər şey tərsinədir. Onun kimilərini bu xalq 500 il, 300 il, 100 il öncə də, dünən də tarixin zibilliyinə müvəffəqiyyətlə göndərib. Bu gün də elə olacaq. Sabah da. 500 il sonra da.

P.S. Sonda bir zəruri qeydə ehtiyac duyuruq. Millətə vəkillik etmək istəyən, millətinin böyük hissəsini xurafatçı görən adam ona etiraz edənləri təhqir etməkdən qətiyyən çəkinmir. Kimə “gerizəkalı” deyir, kimə “həpənd”... Həzi Aslanova həsr edilmiş gözəl filmimizdə belə bir epizod var: alman əsiri Ramiz Novruzun canlandırdığı qəhrəman generalı alman dilində söyür. Cavab isə Azərbaycan dilində gəlir: “Öz üstünə, alə...!”



Yerləşdirilib:12 İyun, 2018  14:24, ]]>Çap]]>
 
Bu bölmədə:
13 Fevral, 2019
Vəsiyyət (Hekayə)

Adınız |
Mətn
Captcha
|
Captcha
SONXƏBƏRLƏR
16 Fevral, 2019
Trampın keçmiş müşavirinin “WikiLeaks”lə əlaqəsi olub
16 Fevral, 2019

İŞİD silahlıları İraqda dinc sakinləri oğurlayıb

16 Fevral, 2019

Ərdoğan: "Aİ Türkiyəni müsəlman ölkəsi olduğuna görə qəbul etmir"

16 Fevral, 2019

Qüsl alan zaman baş və boyun yuyulduqdan sonra dərhal bədənin sağ və sol tərəfini yumağa başlamaq lazımdır? İslam suallarda

16 Fevral, 2019
Nigeriyada silahlıların hücumu zamanı 66 nəfər öldürülüb
16 Fevral, 2019
Şamaxıda yenidən vulkan püskürüb
15 Fevral, 2019

Putin: Dünyada tam müstəqil dövlət yoxdur

15 Fevral, 2019

Səddam Hüseynin ailəsi İraqdan necə qaçdı? Nəvəsindən etiraflar

15 Fevral, 2019
Komitə sədri nikahsız kəbin kəsən mollaların cəzalandırılmasını istədi
15 Fevral, 2019

Səudiyyə Ərəbistanı ABŞ və Kanadada cinayət törətmiş vətəndaşlarını bu ölkələrdən qaçırıb

15 Fevral, 2019
FTX İŞİD-in gizli özəyinin təşkilatçılarından birini saxlayıb
15 Fevral, 2019

Namazı şiə (cəfəri) məzhəbinə uyğun şəkildə, amma möhürsüz qılmaq nə dərəcədə düzgündür? İslam suallarda

15 Fevral, 2019
Ərdoğandan Suriya ilə bağlı vacib bəyanat
15 Fevral, 2019
Tramp ABŞ-da fövqəladə vəziyyət elan edəcək
14 Fevral, 2019
Türkiyədə İŞİD-ə üzv olmaqla şübhəli bilinən Suriya vətəndaşları saxlanılıb
14 Fevral, 2019

Madurodan ABŞ-a ittiham: göndərdiyi humanitar yardım zəhərlidir

14 Fevral, 2019
Putin, Ərdoğan və Ruhani Soçidə Suriya problemini müzakirə edəcək
14 Fevral, 2019

Qurandakı "səhvlər": 2. Quranda İmran "müəmması" Video

14 Fevral, 2019

Eyni mal onlayn mağazada fərqli qiymətlərlə yerləşdirilərsə və müştəriyə də fərqli qiymətlərlə satılarsa, bu cür ticarət halaldırmı? İslam suallarda

14 Fevral, 2019
ABŞ Rusiyaya qarşı yeni sanksiyalara hazırlaşır
14 Fevral, 2019

İranda terror aktı: onlarla ölü

13 Fevral, 2019
Cammu və Kəşmirdə partlayış baş verib
13 Fevral, 2019

İƏT ölkələrinin Gənclərlə iş üzrə İlk Fəaliyyət Planı qəbul edildi

13 Fevral, 2019
ABŞ-ın dövlət borcu tarixi rekorda çatdı
13 Fevral, 2019

Şahzadənin davranışı narazılıqla qarşılandı Video

13 Fevral, 2019

Dərisini soyunan Nəsimiyə biz kürkümüzü geyindirmək istəyirik - Nəsimişünas

13 Fevral, 2019

Vəsiyyət Hekayə

13 Fevral, 2019
Almaniyada azərbaycanlılar ilə qaradərililər arasında kütləvi dava baş verib
XƏBƏRARXİVİ
«Fev.2019
Be.Ça.Çə.Ca.Cü.Şə.Ba.
    123
45678910
11121314151617
18192021222324
25262728   
© 2019 Saytın materiallarından istifadə edərkən xahiş edirik www.ISLAM.az saytına istinad edəsiniz.
Copyright 2002-2016, Dini Araşdırmalar Mərkəzi, Bütün hüquqlar qorunur www.islam.az
Arzu və istəkləriniz üçün admin@islam.az
  SpyLOG Saytı düzəldib: 313wb.com