Şəhadət meydanında qılınan namaz

Kərbəla çölündə gərgin döyüş bir neçə saat idi ki, davam edirdi. İmam Hüseynin (ə) silahdaşlarından təqribən 50 nəfəri düşmənin ilk həmləsini dəf edərkən şəhid olmuşdu. Qalanlar da bir-bir döyüş meydanına çıxıb savaşır və şəhidlik şərbətini nuş edirdilər.

İmamın ətrafında Əhli-beyt üzvlərindən savayı, bir ovuc adam qalmışdı. Zöhr namazının vaxtı çatdı. İmam Hüseynin (ə) silahdaşlarından biri – Əbu Sümamə Əmr ibn Abdullah Seydavi adlı səhabə üzünü o həzrətə tutub söylədi: “Ey Peyğəmbərin övladı! Səni öldür¬mək arzusunda olan bu düşmənlər öz məqsədlərinə doğru yaxınlaşırlar. Mən öz qanıma qəltan olub ölməyincə buna imkan verməyəcəyəm. Amma çox istərdim ki, bu son zöhr namazımı Sənin imam¬lığınla qılım”. İmam Hüseyn (ə) vaxtı öyrənmək üçün səmaya baxdı, zöhr vaxtının çatdığını dəqiqləşdirib Əbu Sümaməyə buyurdu: “Namazı yadıma saldın. Allah səni namaz qılanların və Onu (yəni Allahı) zikr edənlərin cərgəsində qərar versin!”.

Sonra İmam Hüseyn (ə) namaz qılmaq üçün düşməndən möhlət almağı tapşırdı. Onun istəyini qarşı tərəfə elan etdilər. Ömər ibn Sədin qoşununda sayılıb-seçilən cəngavərlərdən sayılan Husayn ibn Təmim namaz təklifini eşidəndə bağırdı: “Ey Hüseyn, sənin namazın Allah dərgahında qəbul olmayacaq!”. İmam Hüseynin (ə) qocaman silahdaşı Həbib ibn Müzahir qəzəbli halda: “Allah Rəsulunun övladının namazı qəbul olmayacaq, amma sənin namazın qəbul olacaq?!” - deyə, onun üzərinə şığıdı. Həbibin zərbəsi ilə atdan yıxılan Husaynı silahdaşları aradan çıxartdılar. Həbib isə hücumu davam etdirib, düşmən səflərinin içinə daxil oldu.

75 yaşlı Həbib aşura günündə düşmənin 60-dan artıq döyüşçüsünü məhv edib, Bədil Təmimi adlı bir xəyanətkarın zərbəsi ilə şəhid oldu. Həbib elə şücaətli idi ki, qatili onun başını kəsib, öz atının boynundan asmışdı və bununla fəxr edirdi.

İmam Hüseyn (ə) sağ qalan səhabələrini iki hissəyə ayırdı. Əvvəlcə birinci hissə o həzrətin imamlığı ilə zöhr namazını (xovf namazı şəklində) qıldı. Bu zaman ikinci dəstə düşmənin hücumunu dəf etmək üçün hazır vəziyyətdə durmuşdu. Sonra eyni qayda ilə ikinci dəstə namaz qıldı. Namaz gedişində iki səhabə – Səid ibn Abdullah Hənəfi və Züheyr ibn Qəyn Bəcəli İmam Hüseyni (ə) oxlardan və nizələrdən qoruyurdu.

Səid ibn Abdullah Hənəfi Kufədəkt Əhli-beyt tərəfdarlarının öncüllərindən sayılırdı. O, kufəlilərin dəvət məktublarından birini İmama çatdırmış, sonralar Müslimə beyət edərək, onun məktubunu Məkkəyə gətirib İmama təqdim etmişdi. Elə həmin vaxtdan Səid Məkkədə İmam Hüseynin (ə) hüzurunda qaldı, Kərbəlaya kimi onu müşayiət etdi. Aşura gecəsində İmam Hüseyn (ə) öz səhabələrinin boynundan beyətini götürüb, onları dağılışmağa dəvət edəndə Səid qətiyyətlə bildirdi ki, heç yerə gedən deyil və son nəfəsinə kimi İmamın uğrunda döyüşməyə hazırdır.

Səid namaz zamanı özünü İmamın qarşısında sipər edib, atılan oxların qabağını bədəni ilə alırdı. Namaz bitər-bitməz Səid ölümcül yaralı halda yerə yıxıldı. Son nəfəsində gözlərini açıb: “Ey Peyğəmbə¬rin nəvəsi, əhdimə vəfa etdimmi?” - deyə soruşdu. İmam ona belə cavab verdi: “Bəli, sən məndən də əvvəl cənnətə gedirsən”. Yazırlar ki, Səid ibn Abdullahın bədənində saysız-hesabsız nizə yarası vardı, bütün bunlardan əlavə, bədəninə 13 ox dəymişdi.

İmam Hüseynə (ə) namaz vaxtının girdiyini xatırlatmış və o həzrətin xeyir-duasını almış Əbu Sümamə Əmr ibn Abdüllah Seydavi (və ya Saidi) isə döyüş meydanına yollanan axırıncı səhabələrdən oldu. Əbu Sümamə Kufədə Müslimin yaxın adam¬larından idi, onun üçün silah tədarükü görürdü. Müslim ibn Əqil şəhid olduqdan sonra Əbu Sümamə də şəhərdən qaçıb, özünü İmam Hüseynə (ə) yetirdi. Bəzi tarixçilər onun aşura günü təkbətək döyüşlərdə başından ağır yaralanıb huşunu itirdiyini, qohumları tərəfindən müalicə olunduğunu və bir ildən sonra vəfat etdiyini yazıblar. Lakin daha dəqiq məlumatlara görə, Əbu Sümamə təkbətək döyüşlərin son mərhələsində meydana çıxıb, şücaətlə vuruşdu və öz əmisi oğlu Qeys ibn Abdullah tərəfindən şəhid edildi (onunla əmisi oğlu arasında çoxdan ədavət var idi).



Yerləşdirilib:3 Oktyabr, 2017  15:51, ]]>Çap]]>
 
Bu bölmədə:

Adınız |
Mətn
Captcha
|
Captcha
SONXƏBƏRLƏR
19 İyun, 2018
ABŞ prezidentinin reytinqi rekord həddə çatıb
19 İyun, 2018
İsrailin sabiq naziri İran lehinə casusluğa görə həbs olunub
19 İyun, 2018

Kəramət nədir? İslam suallarda

19 İyun, 2018
Türkiyədə mina partladılıb: bir hərbçi şəhid olub
19 İyun, 2018
Ermənistan tərəfi atəşkəs rejimini 95 dəfə pozub
18 İyun, 2018
Türkiyəli hərbçilər Suriyanın Mənbic şəhərinə daxil olub
18 İyun, 2018
ABŞ koalisiyası Suriya ordusuna zərbə endirib
18 İyun, 2018

QAT sədri: "Fazil Mustafa bilgilidir, lakin yanlış nəticə çıxarır"

18 İyun, 2018

Səcdəyə gedərkən əvvəlcə əlləri yoxsa dizləri yerə qoymaq lazımdır? İslam suallarda

18 İyun, 2018
Nigeriyada iki partlayış nəticəsində 31 nəfər ölüb
18 İyun, 2018
Ermənilər atəşkəs rejimini 102 dəfə pozub
16 İyun, 2018
Yəmən ordusu Hodeyda şəhərinin hava limanına nəzarəti əlinə alıb
16 İyun, 2018

Ramazan ayında qeyri-vacib səbəbdən səfərə çıxan adam kəffarə verməlidirmi? Islam suallarda

16 İyun, 2018

Donald Tramp: "Bütün terrorçular Parisdədirlər"

16 İyun, 2018
Ermənilər atəşkəs rejimini 86 dəfə pozublar
15 İyun, 2018

Azərbaycan məscidlərində bayram namazı qılınıb Fotolent

15 İyun, 2018

"Azərbaycanda əsirlər boyu müxtəlif din və məzhəb ardıclıları çiyin-çiyinə yaşayıb" - Vüsal Hətəmov

15 İyun, 2018

Bayramınız mübarək, əziz müsəlmanlar!

14 İyun, 2018

“Fazil Mustafa “maarifçilik” adı ilə inanc sistemini təhqir edir” – Elçin Əsgərovdan deputata cavab

14 İyun, 2018

İƏT Gənclər Forumu müsəlmanları Ramazan bayramı münasibəti ilə təbrik edib

14 İyun, 2018
Türkiyə ordusu İraqın şimalında bir neçə terrorçunu məhv edib
14 İyun, 2018

Ərdoğan Putinə S-500 raket komplekslərinin birgə istehsalını təklif edib

14 İyun, 2018

Ramazan bayramı namazı necə qılınır?

14 İyun, 2018

BMT Baş Assambleyası İsrailin Qəzza sektorundakı hərəkətlərini pisləyib

14 İyun, 2018

Yəməndə BƏƏ-nin 4 hərbçisi husilər tərəfindən öldürülüb

14 İyun, 2018
Norveçdə Trampın Nobel mükafatına namizədliyi irəli sürülüb
14 İyun, 2018

Fitr bayramı axşamı pulu olmayan adam bayramdan bir neçə gün sonra pul tapıb fitrə zəkatı verə bilərmi? Islam suallarda

14 İyun, 2018

Fitrə zəkatının miqdarı nə qədərdir?

XƏBƏRARXİVİ
«İyn.2018
Be.Ça.Çə.Ca.Cü.Şə.Ba.
    123
45678910
11121314151617
18192021222324
252627282930 
© 2018 Saytın materiallarından istifadə edərkən xahiş edirik www.ISLAM.az saytına istinad edəsiniz.
Copyright 2002-2016, Dini Araşdırmalar Mərkəzi, Bütün hüquqlar qorunur www.islam.az
Arzu və istəkləriniz üçün admin@islam.az
  SpyLOG Saytı düzəldib: 313wb.com